ئانتالیا.. مەولود چاوشئۆغڵو ده‌نگیدا

ئانتالیا - AA

وه‌زیری ده‌ره‌وه‌ی توركیا، مه‌ولود چاوشئۆغڵو ئاماژه‌ی به‌وه‌دا كه‌ هه‌ڵبژاردنی ئه‌مجاره‌ هه‌ستیارترین هه‌ڵبژاردنی مێژووی توركیایه‌ و گوتی: "ئینشائه‌ڵڵا بۆ گه‌ل، وڵات و ده‌وڵه‌تەكه‌مان دەبێتە مایەی خێروخۆشی".

مەولود چاوشئۆغڵو له‌گه‌ڵ هولیای هاوسه‌ری له‌ خوێندنگه‌ی ئایشه‌ن جه‌نگیز له‌ شاری ئانتالیا ده‌نگیدا.

له‌ لێدوانێکیدا بۆ رۆژنامه‌وانان، مەولود چاوشئۆغڵو رایگه‌یاند، تا ئه‌مڕۆ كه‌مپینی هه‌ڵبژاردنیان به‌ڕێوه‌بردووه‌ و داوای ده‌نگی ده‌نگده‌رانیان كردووه‌.

مەولود چاوشئۆغڵو گوتی: "ده‌نگماندا. به‌ سیستمێكی نوێی حكوومه‌ته‌وه‌ چووینه‌ ئه‌م هه‌ڵبژاردنه‌. هه‌ستیارترین هه‌ڵبژاردنی مێژووی توركیایه‌. ئینشائه‌ڵڵا بۆ گه‌ل، وڵات و ده‌وڵه‌تەكه‌مان دەبێتە مایەی خێروخۆشی. ئومێده‌وارم ببێته‌ مایه‌ی سه‌قامگیریی و گه‌شه‌ی زیاتر".

دوای كه‌مێك گفتوگۆ له‌گه‌ڵ ئه‌و هاووڵاتییانیانه‌ی بۆ ده‌نگدان له‌ بنكه‌كه‌ بوون، مەولود چاوشئۆغڵو له‌گه‌ڵ هاوسه‌ره‌كه‌ی خوێندنگه‌كه‌ی به‌جێهێشت.