ئامادەکارییەکانی هەڵبژاردن لە پارێزگاکانی وان، هەکاری، بەدلیس و مووش تەواو بوو

وان - AA

ئامادەکارییەکان لەو قوتابخانانەی پارێزگاکانی وان، هەکاری، بەدلیس و مووش تەواو بوون کە بۆ هەڵبژاردنی خولی دووەمی سەرۆکایەتیی کۆماری تورکیا دەنگدانیان تێدا ئەنجام دەدرێت.

لە پارێزگای وان کە ٧٠٦ هەزار و ٦١١ دەنگدەر هەن، دوو هەزار و ٢٩٤ سندوقی دەنگدان دانراوە.

ئەو کارمەندانەی کە سبەی دێنە قوتابخانەکان، ئەو پەڕانەیان لە ناو کۆریدۆرەکاندا هەڵواسی کە ئاگەداری و رێنمایی تایبەت بە دەنگدانی لەسەر نووسراوە و کابینەکانی دەنگدانیان لەناو پۆلەکان دانا.

- بەدلیس

بەرپرسانی بنکەکان لە پۆلەکاندا سندوقەکان و کابینەکانی دەنگدانیان دانا و ئامادەکارییەکانیان تەواو کرد.

سبەی دەنگدەران لەو ٨٦٤ سندوقەی کە ئامادە کراوە، دەتوانن ئەرکی نیشتمانیی خۆیان بەجێ بگەیەنن.

- مووش

ئامادەکارییەکانی هەڵبژاردن لە قوتابخانەکانی پارێزگای مووش-یش تەواو بووە.

لەلایەن کارمەندانەوە ژمارەی سندوقەکانی دەنگدان لە کۆریدۆر و دەرگاکانی قوتابخانەکان هەڵواسراوە.

بەرپرسانی بنکەکان ئاسانکاریی تەواویان کردووە بۆ ئەوەی سبەی هاووڵاتییان لە ٨٥٩ سندوقەی ئامادەکراوە دەنگی خۆیان بدەن.

- هەکاری

سندوق و کابینەکانی دەنگدان کە لەلایەن دەستەی هەڵبژاردنی پارێزگاکەوە رادەست کرابوون، لە قوتابخانەکاندا دانران.

سبەی لە کاتژمێر ٠٨:٠٠ی بەیانییەوە، ١٨٦ هەزار و ١٥٥ دەنگدەر دەتوانن لەو ٥٩٠ سندوقەی کە ئامادە کراوە دەنگ بدەن.

دەنگدەرانی بەشێک لە گوندەکانی دەوروبەری شارەکە، دەگوازرێنەوە بۆ قوتابخانەکانی نزیک لە گوندەکانیان و دەنگ دەدەن.