بهدلیس - AA
له دهریاچهی گڕكانئامێزی نهمروود كه دهكهوێته شارۆچكهی تاتڤان له بهدلیس و لهڕووی رووبهرهوه یهكهمه لهسهر ئاستی توركیا و دووهمه لهسهر ئاستی جیهان لهنێو هاوشێوهكانیدا، بهمهبهستی رزگاربوون له سترێس و خهمی ڤایرۆسی كۆرۆنای نوێ، ئارهزوومهندانی سرووشت به لێشاو روو له دهریاچهكه دهكهن بهمهبهستی چێژبردن له ئارامیی و سرووشته دڵڕفێنهكهی.
بهدلیس - AAله دهریاچهی گڕكانئامێزی نهمروود كه دهكهوێته شارۆچكهی تاتڤان له بهدلیس و لهڕووی رووبهرهوه یهكهمه لهسهر ئاستی توركیا و دووهمه لهسهر ئاستی جیهان لهنێو هاوشێوهكانیدا، بهمهبهستی رزگاربوون له سترێس و خهمی ڤایرۆسی كۆرۆنای نوێ، ئارهزوومهندانی سرووشت به لێشاو روو له دهریاچهكه دهكهن بهمهبهستی چێژبردن له ئارامیی و سرووشته دڵڕفێنهكهی. دهریاچهكه دهكهوێته بهرزیی دوو ههزار و ٢٥٠ مهتر له ئاستی دهریاوه و به جوانییهكانی سرووشتهكهی، ههوا خاوێنهكهی و دیمهنه بێهاوتاكهی، سهردانیكهران بۆ خۆی رادهكێشێت. دوای شلكردنهوهی رێكارهكانی بهرهنگاربوونهوهی ڤایرۆسی كۆرۆنای نوێ، جارێكی دیكه ئارهزوومهندانی سرووشت روویان لهو ناوچهیه كردهوه كه دهریاچهی نهمروودی لێیه و دوور له جهنجاڵی و قهرهباڵغی شارهكان، لهبهرامبهر دیمهنی دهریاچهكهدا به پێ دهڕۆن و چێژ له ههوای خاوێن و دیمهنی دڵڕفێن و بێهاوتای ناوچهكه وهردهگرن. سهرۆكی یانهی وهرزشهكانی نێو سرووشت، عومهر دهمهز، له لێدوانێكدا بۆ پهیامنێری ئاژانسی ئانادۆڵو ئاماژهی بهوهكرد به هاوهڵی گرووپێكی گهورهی ١٤٠ كهسی، چالاكی لهسهر دهریاچهی نهمروود ئهنجامدهدهن. ههروهها گوتی: "لهگهڵ گۆڕانی وهرزهكاندا رهنگی ناوچهكه دهگۆڕێت و ئهمهش دیمهنێكی بێهاوتای بهخشیوه. ئهمه شوێنێكه كه دهكرێت گهشتی كولتووریشی بۆ ئهنجامبدرێت. لهڕووی شاخهوانییهوه شوێنێكی ئێجگار گرنگه". یهكێك لهوانهی له وانهوه بهشداریی له چالاكییهكهدا كردبوو، مامۆستا نازان ساری-یه، ئهو باسی لهوهكرد دوای ماوهیهكی زۆر جارێكی دیكه به بینینی سرووشت شادبووهتهوه. گوتیشی: "دهریاچهی نهمروود شوێنێكی نایابه. شوێنێكی خۆشه و ههمووان دهتوانن به ئاسانی بێن و بیبینن. لهرێگا دیمهنی دڵڕفێنمان بینی. دیمهنه ئاڵوواڵا و رهنگاورهنگهكهی ئێجگار سهرنجڕاكێشه. ئهگهر دهتهوێت سهرجهم رهنگهكانی پاییز ببینیت، وهره بۆ ئێره". لای خۆیهوه دكتۆر یونس چهتین باسی لهوهكرد لهگهڵ گرووپێكی گهورهدا هاتوون و دیمهنی ناوازهی دهریاچهی نهمروودیان بینیوه. ( Ahmet Okur - ئاژانسی ئانادۆڵو )
دهریاچهكه دهكهوێته بهرزیی دوو ههزار و ٢٥٠ مهتر له ئاستی دهریاوه و به جوانییهكانی سرووشتهكهی، ههوا خاوێنهكهی و دیمهنه بێهاوتاكهی، سهردانیكهران بۆ خۆی رادهكێشێت.
دوای شلكردنهوهی رێكارهكانی بهرهنگاربوونهوهی ڤایرۆسی كۆرۆنای نوێ، جارێكی دیكه ئارهزوومهندانی سرووشت روویان لهو ناوچهیه كردهوه كه دهریاچهی نهمروودی لێیه و دوور له جهنجاڵی و قهرهباڵغی شارهكان، لهبهرامبهر دیمهنی دهریاچهكهدا به پێ دهڕۆن و چێژ له ههوای خاوێن و دیمهنی دڵڕفێن و بێهاوتای ناوچهكه وهردهگرن.
سهرۆكی یانهی وهرزشهكانی نێو سرووشت، عومهر دهمهز، له لێدوانێكدا بۆ پهیامنێری ئاژانسی ئانادۆڵو ئاماژهی بهوهكرد به هاوهڵی گرووپێكی گهورهی ١٤٠ كهسی، چالاكی لهسهر دهریاچهی نهمروود ئهنجامدهدهن.
ههروهها گوتی: "لهگهڵ گۆڕانی وهرزهكاندا رهنگی ناوچهكه دهگۆڕێت و ئهمهش دیمهنێكی بێهاوتای بهخشیوه. ئهمه شوێنێكه كه دهكرێت گهشتی كولتووریشی بۆ ئهنجامبدرێت. لهڕووی شاخهوانییهوه شوێنێكی ئێجگار گرنگه".
یهكێك لهوانهی له وانهوه بهشداریی له چالاكییهكهدا كردبوو، مامۆستا نازان ساری-یه، ئهو باسی لهوهكرد دوای ماوهیهكی زۆر جارێكی دیكه به بینینی سرووشت شادبووهتهوه.
گوتیشی: "دهریاچهی نهمروود شوێنێكی نایابه. شوێنێكی خۆشه و ههمووان دهتوانن به ئاسانی بێن و بیبینن. لهرێگا دیمهنی دڵڕفێنمان بینی. دیمهنه ئاڵوواڵا و رهنگاورهنگهكهی ئێجگار سهرنجڕاكێشه. ئهگهر دهتهوێت سهرجهم رهنگهكانی پاییز ببینیت، وهره بۆ ئێره".
لای خۆیهوه دكتۆر یونس چهتین باسی لهوهكرد لهگهڵ گرووپێكی گهورهدا هاتوون و دیمهنی ناوازهی دهریاچهی نهمروودیان بینیوه.
