ئیستانبوڵ..لە نزیک ناوچەیەکی سەربازیی ئەندامێکی داعش دەستگیرکرا

ئیستانبوڵ- AA

لە نزیک ناوچەیەکی سەربازیی لە شاری ئیستانبوڵ، ئەندامێکی رێکخراوی تیرۆریستیی داعش دەستگیرکرا.

کاتژمێر ٠٢:١٠ی ٢٠ی شوبات، تیمەکانی پۆلیس لەوە ئاگادارکرانەوە کە کەسێک بە درەختێکی تەنیشت بنکەیەکی سەربازیی ناوچەی باهچەلیئێڤلەر، هەڵگەڕاوە و چاودێری بنکە سەربازییەکە دەکات.

تیمەکان دەستبەجێ گەیشتنە شوێنی رووداوەکە و گومانلێکراوەکەیان دەستگیر کرد کە سەرقاڵی چاودێریکردنی بنکە سەربازییەکە بوو.

دوای پشکنینی گومانلێکراوەکە و دەستگرتن بەسەر ئامێرە دیجیتاڵییەکانیدا، ژمارەیەک بەڵگە دۆزرانەوە کە ئەوە نیشان دەدەن دەستگیرکراوەکە ئەندامی رێکخراوی تیرۆریستیی داعش بووە.

دوای ئەنجامدانی رێکارە یاساییەکان، گومانلێکراوەکە برایە بەردەم دادگا و بە بڕیاری دادوەر دەستبەسەرکرا.