یڵدرم: "ئەو دەستوورە ئامادە دەکەین کە بەڵێنمان بە گەل داوە"

ئەنقەرە

سەرۆکوەزیرانی تورکیا، بینالی یڵدرم رایگەیاند کە ئەرکی ئەوان ئامادەکردنی ئەو دەستوورەیە کە بەڵێنیان بە گەل داوە و دواتر پێشکەشی پەرلەمانی دەکەن.

یڵدرم لە کۆشکی چانقایا وەڵامی پرسیارەکانی رۆژنامەوانانی دایەوە.

یڵدرم لەبارەی دەستووری نوێی تورکیا گوتی: " ئەرکی ئێمە ئەوەیە ئەو دەستوورە ئامادە بکەین و پێشکەشی پەرلەمانی بکەین کە بەڵێنمان بە گەل داوە. دوای ئەوە ئەرک ئەرکی پەرلەمانە. ئەو گۆڕانکارییانەی ئەنجاممانداوە بە ھۆکارەکانیەوە بۆ گەلەکەمان روونیدەکەینەوە و داواکاری پێشکەشی پەرلەمان دەکەین. دواتر کارەکە کاری پەرلەمانە. روونکردنەوەکانی بەڕێز باخچەلی تا ئەمڕۆ جێگای ئومێدن و بنیاتنەرن. ئێمە بەجۆرێک لەمە تێدەگەین کە لە پەرلەمان کاریگەریی ئەرێنیی دەبێت".