عێراق.. ئەنجامەکانی ھەڵبژاردنی ئەنجوومەنی نوێنەران پەسەندکرا

بەغدا ــ AA

ئەنجوومەنی باڵای فدرالی لە عێراق، ئەنجامەکانی ھەڵبژاردنی نوێنەرانی پەسەندکرد.

لەمبارەیەوە گوتەبێژی دادگای باڵای فیدرالی لە عێراق، ئەیاس سامۆک لە بەیاننامەیەکدا کە کۆپییەکی بۆ ئاژانسی ئانادۆڵو نێردراوە رایگەیاندووە، دادگای باڵای فیدرال لە میانی دانیشتنێکدا، ئەنجامەکانی ھەڵبژاردنی ئەنجوومەنی نوێنەران کە لە ١٢ی مانگی ئایاری رابردوو بەڕێوەچوو، پەسەندکرد.

ئەیاس سامۆک ئاماژەی بەوەشداوە کە دادگای باڵای فیدرالی بە ئامادەبوونی سەرجەم ئەندامانی دادگا، ئەنجامەکانی ھەڵبژاردنی ئەنجوومەنی نوێنەرانی پەسەندکردووە.

پێشتر کۆمسیۆنی باڵای سەربەخۆی ھەڵبژاردنەکان لە عێراق، ئەنجامەکانی ھەڵبژاردنی ئەنجوومەنی نوێنەران کە لە ١٢ی مانگی ئایاری رابردوودا بەڕێوەچوو، رەوانەی دادگای فیدرالی کرد بۆ ئەوەی پەسەند بکرێت.