نرخی خاوی برێنت گەیشتە ٧٥ دۆلار و ١١ سەنت

ئیستانبوڵ - AA

لە بازاڕەکانی جیهاندا، بەرمیلێک خاوی برێنت بە ٧٥ دۆلار و ١١ سەنت مامەڵەی پێوەدەکرێت.

دوێنێ نرخی بەرمیلێک خاوی برێنت گەیشتە ٧٧ دۆلار و ٨٤ سەنت و رۆژەکەی بە ٧٤ دۆلار و ٥٣ سەنت تەواو کرد.

کاتژمێر ١٠:٠٣ی ئەمڕۆ، نرخەکان بەڕێژەی سەدا ٠،٧٨ بەرزبوونەوەیان بەخۆوەبینی و بەرمیلێک خاوی برێنت بە ٧٥ دۆلار و ١١ سەنت فرۆشرا.

هاوکات بەرمیلێک خاوی رۆژئاوای تێکساس بە ٧٤ دۆلار و سێ سەنت مامەڵەی پێوەکرا.

کۆبوونەوەکەی پێرێی وەزیرانی رێکخراوی وڵاتانی هەناردەکاری نەوت (ئۆپیک) و وڵاتانی دەرەوەی رێکخراوەکە (ئۆپیک +)، بەهۆی نەگەیشتنە رێککەوتنی وڵاتانی ئەندام هەڵوەشایەوە و ئەمەش وای کرد نرخی نەوت بەخێرایی بەرزببێتەوە.

هەروەها نەگەیشتنە ئەنجامی کۆبوونەوەکە، نیگەرانی کەمبوونەوەی خستنەڕووی زیاتر کردووە و ئەمەش وای کردووە نرخی نەوت بەرزببێتەوە.

دوێنێ نرخی بەرمیلێک خاوی برێنت لە تشرینی یەکەمی ٢٠١٨وە تا ئێستا و نرخی بەمیلێک نەوتی رۆژئاوای تێکساس لە تشرینی دووەمی ٢٠١٤وە تا ئێستا بەرزترین نرخیان تۆمار کرد.

بەهۆی ناجێگیری بازاڕی نەوت پێدەچێت ئەمڕۆ، نرخەکان دابەزینی لەناکاو بەخۆیانەوە ببینن.