سعوودیە: "لەمساڵدا حەوت ملیۆن کەس عومرەیان ئەنجامداوە"

ریاز - AA

وەزارەتی حەج و عومرەی سعوودیە رایگەیاند لەمساڵدا (بەپێی ساڵنامەی کۆچی)، نزیکەی حەوت ملیۆن موسڵمان لە وڵاتانی جیهانەوە عومرەیان بەجێگەیاندووە.

بەپێی بەیاننامەیەکی وەزارەتی حەج و عومرەی سعوودیە، ئەو ژمارەیەی کە لەم وەزرەدا تۆمارکراوە ئەو موسڵمانانەش دەگرێتەوە کە لە پارێزگاکانی سعوودیە و دەرەوەی سعوودیەش عومرەیان بەجێگەیاندووە.

گەشتوگوزاریی ئایینی بە بڕبڕەی پیشەسازی گەشتیاری لە سعوودیە دادەنرێت لە میانی وەرزی حەج و عومرەدا.

بەپێی داتاکانی وەزارەتی حەج و عومرەی سعوودیە، ساڵی رابردوو (١٤٣٨ی کۆچی) زیاتر لە ١٩ ملیۆن موسڵمان عومرەیان بەجێگەیاندووە کە نزیکەی شەش ملیۆن و ٥٠٠ هەزاریان لە دەرەوەی سعوودیەوە هاتبوون.