Washington DC
واشنتۆن - AA
بانکی جیهانی (نێودەوڵەتیی) بڵاویکردەوە، مەزندە دەکرێت تێچووی سەرلەنوێ بنیاتنانەوەی سووریا لە دوای شەڕ و پێکدادانەکان ٢١٦ ملیار دۆلار بێت.
لە ڕاگەیاندراوێکدا کە لەلایەن بانکەکەوە بڵاوکراوەتەوە، ئاماژە بەوە کراوە ڕاپۆرتی "ھەڵسەنگاندنی زیانی فیزیکی سووریا و سەرلەنوێ بنیاتنانەوە ٢٠١١-٢٠٢٤" کە تیایدا ژێرخانی سەرانسەری وڵاتەکە و سامانی بیناکانی لەبەرچاو گیراوە، بڵاوکراوەتەوە.
لە ڕاگەیاندراوەکەدا باس لەوە کراوە کە مەزندە دەکرێت دوای زیاتر لە ١٣ ساڵ شەڕ و پێکدادانەکان، تێچووی سەرلەنوێ بنیاتنانەوەی سووریا ٢١٦ ملیار دۆلار بێت.
هەروەها لە ڕاگەیاندراوەکەدا ئاماژە بەوە کراوە کە لەنێو بەشە ھەڵسەنگێندراوەکاندا، ژێرخان زۆرترین زیانی بەرکەوتووە و ڕێژەی سەدا ٤٨ی کۆی گشتیی زیانەکان پێکدەھێنێت و، زۆرترین ناوچەی زیانلێکەوتووش حەلەب، دەوروبەری دیمەشق و حومسە.
![](http://www.facebook.com/sharer.php?u=http://v.aa.com.tr/3723533&p[images][0]=https://cdnuploads.aa.com.tr/uploads/Contents/2025/10/22/thumbs_b_c_ab10af53d6864f36d936cf5fd14a0511.jpg?v=124339&p[title]=بانکی جیهانی: "مەزندە دەکرێت تێچووی سەرلەنوێ بنیاتنانەوەی سووریا ٢١٦ ملیار دۆلار بێت"&p[summary]=){kind=link}