ئابووری
یەدەگەکانی نەوتی ئەمریکا کەمیان کردووە
یەدەگە بازرگانییەکانی نەوتی ئەمریکا، هەفتەی رابردوو بەراورد بە هەفتەی پێش خۆی، کەمیکردووە.
Sibel Morrow |
08.04.2021 - نوێکردنەوە : 08.04.2021
Ankara
ئەنقەرە- AA
یەدەگە بازرگانییەکانی نەوتی ئەمریکا، هەفتەی رابردوو بەراورد بە هەفتەی پێش خۆی، سێ ملیۆن و ٥٠٠ هەزار بەرمیل کەمیکردووە.
فەرمانگەی زانیارییەکانی وزەی ئەمریکا، ئەوەی ئاشکرا کرد کە یەدەگەکانی نەوتی ئەمریکا بە رێژەی سەدا ٠،٧ کە دەکاتە سێ ملیۆن و ٥٠٠ هەزار بەرمیل کەمی کردووە و بۆ نزیکەی ٤٩٨ ملیۆن و ٣٠٠ هەزار بەرمیل دابەزیوە.
لە کاتێکدا وا چاوەڕوان دەکرا یەدەگەکان یەک ملیۆن و ٣٢٥ هەزار بەرمیل کەم بکات.
یەدەگە ستراتیجییەکانی نەوتی ئەمریکا کە بەشێک نین لە یەدەگە بازرگانییەکانی نەوتی ئەمریکا وەک خۆی بە ٦٣٧ ملیۆن و ٨٠٠ هەزار بەرمیل ماوەتەوە.
لەم قۆناغەدا یەدەگەکانی بەنزینی ئەمریکا، چوار ملیۆن بەرمیل زیادیکردووە و گەیشتووەتە ٢٣٤ ملیۆن و ٦٠٠ هەزار بەرمیل.
