Arbil
بەغدا ــ AA
سەرۆكی ئەنجوومەنی نوێنەرانی عێراق، محەمەد حەلبوسی رایگەیاند كە شەش ئەندامی دیكەی ئەنجوومەنی نوێنەران، تووشی ڤایرۆسی كۆرۆنای نوێ (COVID-19)، بوون.
محەمەد حەلبوسی لە لێدوانێكی رۆژنامەوانییدا گوتی: "شەش ئەندامی دیكەی ئەنجوومەنی نوێنەران، خۆیان پێیان راگەیاندووم كە تووشی ڤایرۆسی كۆرۆنا بوون".
ئەو گوتیشی: "دەنگۆی ئەوە هەیە کە تا ئێستا، 20 ئەندام و 28 فەرمانبەری ئەنجوومەنی نوێنەران تووشی كۆرۆنا بوون کە لەنێویاندا بەڕێوەبەری گشتیی و كارمەندانی ئەمنی هەن".
سەرۆكی ئەنجوومەنی نوێنەرانی عێراق، محەمەد حەلبوسی ئاشكرایشی كردووە، ژمارەیەك لەو كەسانەی كە تووشی ڤایرۆسی كۆرۆنا بوون، پاسەوانی ئەنجوومەنی نوێنەرانن و نیشتەجێی سنووری پارێزگای دهۆك-ن، لەبەر ئەمەیش ئەستەمە دانیشتنی ئەنجوومەنی نوێنەران ساز بكرێت.
بەپێی دوایین ئامارەكان تا ئێستا، 30 هەزار و 868 كەس لە عێراق تووشی ڤایرۆسی كۆرۆنا بوون و لەو ژمارەیەیش هەزار و 100 کەس گیانیان لەدەستداوە و 13 هەزار و 935ی دیكەیش چاكبوونەتەوە.