تورکیا.. سوورەتی فەتح لە ئایاسۆفیا خوێندرایەوە

ئیستانبوڵ - AA

بە بۆنەی ٥٦٧مین ساڵڕۆژی فەتحی ئیستانبوڵ پرۆگرامی "ئاھەنگی فەتح" لە ئایاسۆفیا رێکخرا.

سەرکۆماری تورکیا، رەجەب تەیب ئەردۆغان بە رێگەی ڤیدیۆ کۆنفرانس بەشداری لە "ئاھەنگی فەتح" کرد کە لەلایەن وەزارەتی رۆشنبیری و گەشتوگوزاری تورکیا بە بۆنەی یادکردنەوەی ٥٦٧ەمین ساڵیادی فەتحی ئیستانبوڵ رێکخرابوو.

رێورەسمەکە بە خوێندنەوەی سوورەتی فەتح لە نێو ئایاسۆفیا دەستیپێکرد کە ئەوشوێنە بە سیمبوڵی فەتح لە تورکیا دادەنرێ.

ھەر لە چوارچێوەی رێورەسمەکەدا نزای فەتح کرا و سەرکۆماری تورکیا، رەجەب تەیب ئەردۆغانیش بەشداری لە نزاکردنەکەدا کرد.

دواتریش سەرکۆماری تورکیا، رەجەب تەیب ئەردۆغان کە بە رێگەی ڤیدیۆ کۆنفرانس بەشداری لە ئاھەنگەکەدا کردبوو، وتارێکی پێشکەش کرد.