Ankara
ئەنقەرە - AA
وەزارەتى تەندروستیى توركيا بڵاویكرده‌وه، لە ٢٤ كاتژمێرى رابردوودا ٦٥ كەسی دیکە بەهۆى تووشبوونيان بە ڤايرۆسى كۆرۆناى نوێ (COVID-19) گيانيان لەدەستداوە.
"نەخشه‌ی رۆژانەى ڤايرۆسى كۆرۆنا" كە دوايين ئامارەكانى ڤايرۆسى كۆرۆنا له توركیا لەخۆده‌گرێت لە رێگەى ماڵپەڕى "covid19.saglik.gov.tr" بڵاوكرايەوە.
بەپێی نەخشه‌كه، ئەمڕۆ ١١٤ هەزار و ٣١١ پشكنينى ڤایرۆسی کۆرۆنای نوێ (COVID-19) ئەنجامدراوە. دەرەنجام، هەزار و ٦٩٢ حاڵەتى نوێى تووشبوون بە ڤايرۆسه‌كه تۆماركراوە.
هەر بەپێی خشته‌كه، لە ٢٤ كاتژمێری رابردوودا، ٦٥ تووشبوو گيانيان لەدەستداوە، هەزار و ٢٦١ نەخۆش چاكبوونەتەوە و كۆى گشتيى ئەو تووشبووانەى كە چارەسەريان تەواو بووە و نەخۆشخانەيان جێهێشتووە بۆ ٢٦٩ هەزار و ٦٩٦ بەرزبووەتەوە.
بەپێی ئامارەكان، كۆى گشتيى نۆ مليۆن و ٤٩٦ هەزار و ٢٦٨ پشكنينى (COVID-19) ئەنجامدراون، كۆى گشتیی حاڵەتەكانى تووشبوون گەيشتووەتە ٣٠٦ هەزار و ٣٠٢ حاڵه‌ت و گيانلەدەستدانيش گەيشتووەتە حەوت هەزار و ٦٣٩ حاڵه‌ت.
ژمارەى كه‌یسه چالاكەكان ٢٨ هەزار و ٩٦٧، و ژمارەى ئەو نەخۆشانەى كە دۆخى تەندروستييان ناجێگيرە هەزار و ٥٢٢ نەخۆشن و رێژەى هەوركردنى سييەكان لاى نەخۆشەكان لەسەدا ٦,٧ـە.
- "رێژەى هەوركردنى سييەكان لاى نەخۆشەكان بەردەوامە لە دابەزين"
وەزيرى تەندروستیى توركيا، فەخرەددين كۆجا لە هەژمارى تايبەتى خۆى لە تويتەر لە په‌یامێكدا له‌باره‌ی دوايين ئامارەكان، رايگەياندووە: "ژمارەى ئەو نەخۆشانەمان كە دۆخى تەندروستييان ناجێگيرە گەيشتە هەزار و ٥٢٢. رێژەى ئەو نەخۆشانەی تووشی هەوکردنی سییەکان هاتوون بەردەوام لە داکشانە. ئەمرۆ هەزار و ٦٩٢ نەخۆشى نوێمان هەيە. بە پابەندبوونمان پاڵپشتيى كارمەندانى تەندروستيمان دەكەين كە شەو و رۆژ بۆ ئيمە كاردەكەن. پێكەوە سەردەكەوين".
 ئەنجامدراوە، دەرەنجام هەزار و ٦٩٢ حاڵەتى نوێى تووشبوون تۆماركراون.){kind=link}