تاڵیبان لە سنووری ئێران مانۆڕێکی سەربازیی ئەنجام دا
Afghanistan
کابوڵ - AA
هێزەکانی تاڵیبان لە پارێزگای نمروز لەسەر سنووری ئێران مانۆڕێکی سەربازییان ئەنجام دا کە تێیدا چەکی قورسیشیان بەکارهێنا.
لە لێدوانێکیدا بۆ ئاژانسی هەواڵی تاڵیبان 'باختار'، فەرماندەی کەتیبەی سێ لە نمروز، محەمەد نەبی مەلا ڤورور، لەبارەی ئەو مانۆڕە سەربازییەی کە لە ناوەندی قەزای زارانج بەڕێوەچوو، رایگەیاند کە بە مەبەستی بەدەستهێنانی ئەزموونی نوێ بۆ تاڵیبان، بە هاوکاری راهێنەرانی پیشەگەر مانۆڕەکەیان ئەنجام داوە کە چەکی قورسی جۆراوجۆری تێدا بەکار هات.
مانۆڕە سەربازییەکەی تاڵیبان دوای ئەو ململانێیانە هات کە لەگەڵ ئێراندا روویان دا.
دوایین جار تاڵیبان و هێزە سنوورییەکانی ئێران لە ٢٧ی ئایاردا لەسەر سنووری نمروز رووبەڕووبوونەوەیەکی چەکدارییان ئەنجام دا کە کوژرانی دوو سەربازی ئێرانی و ئەندامێکی تاڵیبانی لێکەوتەوە.
لایەنەکان یەکتریان تۆمەتبار کرد بە دەستپێکردنی ململانێکان، بەڵام لە ئەنجامی دانوستانەکاندا گرژی و ئاڵۆزییەکان کۆتایی هات.
