ژيان

ھەولێر.. لە پڕۆژەیەکی نیشتەجێبوون به‌ گۆرانی و میوزیك رووبەڕووی کۆرۆنا دەبنەوە

ئەندامی دەستەی کارگێڕی پڕۆژەی کواترۆ لە شاری هەولێر، ھاوکار ئیسماعیل: "بەھۆی ئەوەی قەدەغەی ھاتوچۆ راگەیاندراوە، بە پێویستمان زانی ئەو چالاکییە بۆ دانیشتووانی پڕۆژەکە ئەنجام بدەین کە ببێتە مایەی دڵخۆشی و ئارامی بۆ دانیشتووان".

Heman Hussein Yaseen   | 31.03.2020
ھەولێر.. لە پڕۆژەیەکی نیشتەجێبوون به‌ گۆرانی و میوزیك رووبەڕووی کۆرۆنا دەبنەوە

Arbil

ھەولێر - AA

بە بەمەستی قەدەغەی رێگەگرتن لە بڵاوبوونەوەی ڤایرۆسی کۆرۆنا، حکوومەتی ھەرێمی کوردستان بۆ جاری چوارەم قەدەغەی ھاتوچۆی بۆ ١٠ رۆژی دیکە درێژکردەوە و، بەم ھۆیەشەوە ھاووڵاتییان لە ماڵەکانییاندا دەمێننەوە و، بۆ ئەوەی کە شەکەتی ھاووڵاتییان دەربچێت و نیگەرانییەکانی مەترسی ڤایرۆسی کۆرۆنا برەونێننەوە، کارگێڕی یەکێک لە پڕۆژەکانی نیشتەجێبوون لە شاری ھەولێر لە رێگای میوزیک و گۆرانییەوە، چەند کاتژمێرێک خەڵکی پڕۆژەکەی دڵخۆش کرد و خەڵکەکەش بە چەپڵەرێزانەوە لە باڵکۆنی ئەپارتمانەکە دڵخۆشی خۆیان دەردەبڕی.

لە پڕۆژەی کواترۆ لە شاری ھەولێر ئەم چالاکییە بەڕێوەچوو، ئەندامی دەستەی کارگێڕی پڕۆژەکەش دەڵێت لەماوەی رابردووشدا ئەم چالاکییانەمان ھەبووە و لە داھاتووشدا بەردەوام دەبین.

ئەندامی دەستەی کارگێڕی پڕۆژەی کواترۆ ھاوکار ئیسماعیل بۆ ئاژانسی ئانادۆڵو گوتی: "بەھۆی ئەوەی قەدەغەی ھاتوچۆ راگەیاندراوە، بە پێویستمان زانی ئەو چالاکییە بۆ دانیشتووانی پڕۆژەکە ئەنجام بدەین کە ببێتە مایەی دڵخۆشی و ئارامی بۆ دانیشتووان، ئەویش له‌ رێگای بڵندگۆوە چەند گۆرانی و میوزیکێک بۆ نیشتەجێبووانی پڕۆژەکە ئامادەکراون بۆ ئەوەی کاریگەری لەسەر ئارامی دەروونیان ھەبێت".


ھاوکار ئیسماعیل گوتیشی: ''بەھۆی قەدەغەی ھاتوچۆوە، دانیشتووان پابەندی رێنماییەکانی حکوومەتی ھەرێمی کوردستانن و ئێمەش رێکارەکانی تایبەت بە قەدەغەی ھاتوچۆمان گرتووەتەبەر و جموجۆڵ و ھاتوچۆ راگیراوە''.

لە چالاکییەکەدا، دانیشتووانی پڕۆژەکە، لە باڵکۆنی ئەپارتمانەکانەوە بە چەپڵەرێزان دڵخۆشی خۆیانییان دەردەبڕی، ھەروەھا ھەندێکیان بە کامێرای مۆبایلەکانییانەوە دیمەنی ناوازەی خەڵکەکەیان تۆمار دەکرد.

پڕۆژەی کواترۆ دەکەوێتە سەر شەقامی ٤٠ مەتری شاری ھەولێر و نزیکەی ھەزار و ٥٠٠ ماڵی تێدایە و لە میانی راگەیاندنی قەدەغەی ھاتوچۆوە، تا ئێستا چەندین چالاکی دیکەی ھاوشێوەی ئەنجامداوە

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın