ئەرزەڕۆم - AA

بەهۆی سەرماوسۆڵەوە لە پارێزگاکانی ئەرزەڕۆم، قەرس، ئاگری و ئەردەخان سەهۆڵبەندان روویدا.

کەشوهەوای سارد لە ئەرزەڕۆم کاریگەری نەرێنیی لەسەر ژیانی هاووڵاتییانی شارەکە دروست کردووە. جامی ئۆتۆمبێل و شوێنکارەکان بە سەهۆڵ داپۆشراون و ئاوی شوێن دەستنوێژگرتنەکانی مزگەوتەکە بەستوویەتی.

رێگاوبانەکانی شارەکە بەستوویەتی و تیمەکانی گەورە شارەوانی شەقامەکانیان خوێڕێژ کرد.

- ئەردەخان

بەهۆی سەرماو سۆڵەوە لە پارێزگای ئەردەخان، جامی ئۆتۆمبێل و ماڵ و شوێن کارەکان بە سەهۆڵ داپۆشراون.

هەندێ لە هاووڵاتییان بۆ پاراستنی ئۆتۆمبێلەکانیان لەو سەرما سەختە بە خێمە وبەتانی دایانپۆشین.

لە رووباری کورا و ناوچەکە، تەمێکی چڕ دروست بووە و درەختەکان چلورەیان گرت.

- قەرس

لە پارێزگای قەرس ئاوی دەریاچە، جۆگە و تاڤگەکان بەستوویەتی.

هاووڵاتییانی شارەکە دووچاری سەختی بوون لە کارپێکردنی ئۆتۆمبێلەکانیان و هەندێک لە شۆفێران ئاگریان لەژێر تانکی سووتەمەنی ئۆتۆمبێلەکانیاندا کردەوە کە بەستبووی.

شۆفێرێک بە ناوی محەمەد عەلی، ئاماژەی بەوە کرد کە کەشوهەوا زۆر ساردە و گوتی: ''ئۆتۆمبێلەکانمان بەستوویانە. لەئێستادا پلەی گەرما ٢٠ پلە ژێر سفری سەدیە، ئۆتۆمبێلەکان کار ناکەن. بۆ تواندنەوەی سەهۆڵی ناو تانکی ئاگری لەژێردا دەکەینەوە''.

- ئاگری

لە پارێزگای ئاگری کە کەشوهەوایەکی سارد باڵی بەسەر شارەکەدا کێشاوە، ئاوی سەر رووی رووباری موراد و چەمەکان بەستوویەتی.

لە رێگەی درۆنەوە دیمەنی جۆگەلە بەستووەکانی شارەکە وێنە گیرا.