هەولێر.. ھەڵمەتی داربەڕوو چاندن بەڕێوەچوو
وەزیری شارەوانی و گەشتوگوزار، ساسان عەونی و پارێزگاری ھەولێر، فەرسەت سۆفی بە مەبەستی پارێزگاریکردن لە ژینگە و زیادکردنی رووبەری سەوزایی لە بەرزاییەکانی دارستانی کەسنەزان سەربە پارێزگای هەولێر ھەڵمەتی داربەڕوو چاندن بەڕێوەچوو.
Arbil
هەولێر - AA
ئەمڕۆ پێنجشەممە، وەزیری شارەوانی و گەشتوگوزار، ساسان عەونی و پارێزگاری ھەولێر، فەرسەت سۆفی ژماریەکی دیکە لە بەرپرسانی ژینگە و ژینگە دۆستان، بە مەبەستی پارێزگاریکردن لە ژینگە و پەرەپێدان و جوانکردنی سیمای دارستان و زیادکردنی رووبەری سەوزایی لە بەرزاییەکانی دارستانی کەسنەزان سەربە پارێزگای هەولێر ھەڵمەتی داربەڕوو چاندن بەڕێوەچوو.
پارێزگای ھەولێر بەھەماھەنگی لەگەڵ وەزارەتی شارەوانی و گەشتوگوزاری حکوومەتی ھەرێمی کوردستان بۆ بەڕێوەچوونی ھەڵمەتی چاندنی داربەڕوو لە رێگای سەرۆکایەتی شارەوانییەکان و بەڕێوەبەرایەتییە گشتییەکان و سەرجەم دامەزراوەکان و رێکخراوەکانی ژینگە و ژینگە دۆستانی سنووری شاری ھەولێر ھەموو ھاوکاری و ئاسانکارییەکی خستووەتەڕوو.
بەرزاییەکانی دارستانی کەسنەزانی شاری هەولێر، وەک ناوچەیەکی گەشتیاریی، ساڵانە و بەتایبەتی لە وەرزی بەھار زۆرترین گەشتیاریی ناوخۆیی و دەرەکی رووی تێدەکەن.
