ئەنقەرە - AA

سەرۆکایەتی تورکەکانی دەرەوەی وڵات و کۆمەڵگەی خزمان (YTB)، لە ئەنقەرە کۆبوونەوەیەکی بۆ ناساندنی زەمالەی خوێندنی تورکیا ڕێکخست.

جێگری سەرۆکی YTB، عەبدولهادی توروس، لە کۆبوونەوەکەدا ئاماژەی بەوە کرد ئەو خوێندکارە نێودەوڵەتییانە نیشانەی دەوڵەمەندیی جیهانن و وەک سیمبولی بزووتنەوەیەکی ویژدانی تەماشا دەکرێن.

توروس جەختی لەسەر ئەوە کردەوە کە گەورەترین ئامانجی سیاسەتی پەروەردەیی تورکیا، دروستکردنی جیهانێکی پڕ لە ویژدان و بەرزکردنەوەی ئاستی بەها مرۆیییەکانە لە جیهاندا. ئەو خوێندکارانە تەنیا خوێندکار یان میوان نین، بەڵکو دوای گەڕانەوەیان بۆ نیشتمان، دەبنە هیوای وڵاتەکانیان.

زەمالەی خوێندنی تورکیا لە ساڵی ٢٠٢٥دا زیاتر لە ١٢٥ هەزار داواکاری بۆ هاتووە و بە یەکێک لە گشتگیرترین بەرنامەکانی جیهان دادەنرێت، چونکە تەواوی خەرجییەکانی وەک مووچەی مانگانە، کرێی زانکۆ، دڵنیایی تەندروستی، نیشتەجێبوون و تەنانەت تکتی فڕۆکەی چوون و هاتنیش لەخۆ دەگرێت.

بۆ ساڵی خوێندنی ٢٠٢٦، دەرگای پێشکەش کردنی داواکاری لە ١٠ی کانوونی دووەمەوە تا ٢٠ی شوبات دەکرێتەوە.

بۆ سوودمەندبوون لەم دەرفەتی خوێندنە لە زانکۆ جیاوازەکانی تورکیادا، ئارەزوومەندان دەتوانن لە ڕێگەی ماڵپەڕی فەڕمی (turkiyeburslari.gov.tr)ەوە داواکارییەکانیان پێشکەش بکەن.