عێراقییەك ماڵه‌كه‌ی ده‌كاته شوێنی به‌خێوكردنی شێر
له شاری سامهرا كه‌سێك ماڵه‌كه‌ی خۆی كردۆته شوێنی به‌خێوكردنی شێر و پڵنگ و خه‌ڵكیش سه‌ردانی ماڵه‌كه‌ی ده‌كه‌ن.
سه‌ڵاحه‌دین
به‌هۆی نه‌بوونی باخچه‌ی ئاژه‌ڵان له شاره‌كه‌یان عه‌مار ئه‌لنسیانی له گه‌ڕه‌كی ئه‌لبو نیسان شه‌عبی شارهی سامه‌رای باكووری به‌غدا ماڵه‌كه‌ی خۆی كرده شوێنی به‌خێوكردنی شێر و پڵنگ و بێ به‌رامبه‌ر به‌رووی سه‌ردانیكه‌راندا كردیه‌وه.
عه‌مار ئه‌لنسیانی كه ته‌مه‌نی چل ساڵه، هه‌ر له منداڵیه‌وه ئاره‌زووی كۆكردنه‌وه‌ی ئاژه‌ڵه دڕنده‌كان هه‌بووه و كاتێك ته‌مه‌نی 10 ساڵان بووه پشیله‌یه‌كی كێوی و چه‌ند ئاژه‌ڵێكی دیكه‌ی به‌خێو كردووه و دواتر ده‌ستی به به‌خێوكردنی شێر و پڵنگ له ماڵه‌كه‌یدا كردووه و ئێستاش پزیشكی ڤیتێرنه‌ری به‌مه‌بستی دڵنیابوون له ته‌ندروستی ئه‌و ئاژه‌ڵانه سه‌ردانی ماڵی عه‌مار ده‌كا.
له ماڵی عه‌مار كه خێزانێكی گه‌وره تێیدا ده‌ژی، دوو شێری نێر و مێ و ژماره‌كه پڵنگی بچوك هه‌ن و هه‌روه‌ها خوشك و براكانی عه‌ماریش هه‌مان ئاره‌زووی براكه‌یان هه‌یه و ژمماره‌یه‌كی زۆری باڵنده‌ی جۆراو جۆریان هه‌یه، له ناوه‌ندی سالۆنی خانوه‌كه‌یان تاوسێك هه‌یه ئه‌مه بێجگه له ژماره‌یه‌ك په‌یگه‌ری شوێنه‌واری سامهرا.
بۆ وەرگرتنی وردەکاریی زیاتر (ھەواڵ، وێنە، ڤیدیۆ) ببن بە ئابوونەداری ئاژانسی ئانادۆڵو.
