هونەر و كلتوور
سیستەمێکی پێشکەوتووی رووناککەرەوە بۆ پردی دەلال لە زاخۆ دانرا
- گەشتوگوزاری زاخۆ و ئیدارەی سەربەخۆی زاخۆ بە گوژمەی ٧٠ ملیۆن دینار سیستەمێکی پێشکەوتووی رووناککەرەوەیان بۆ پردی دەلال دانا کە ئەوەیش بووەتە جێگای سەرنجی گەشتیاران و دیمەنێکی جوانتری بە پردەکە بەخشیووە.
Zana Natık Kerem |
11.05.2022 - نوێکردنەوە : 12.05.2022
ھەولێر ــ AA
وەزارەتی شارەوانی و گەشتوگوزار رایگەیاند کە گەشتوگوزاری زاخۆ و ئیدارەی سەربەخۆی زاخۆ سیستەمێکی پێشکەوتووی رووناککەرەوەیان بۆ پردی دەلال داناوە.
راگەیاندنی وەزارەتی شارەوانی و گەشتوگوزار لە راگەیەندراوێکدا ئاماژەی بەوە داوە کە گەشتوگوزاری زاخۆ و ئیدارەی سەربەخۆی زاخۆ بە گوژمەی ٧٠ ملیۆن دینار سیستەمێکی پێشکەوتووی رووناککەرەوەیان بۆ پردی دەلال داناوە و ئەوەیش بووەتە جێگای سەرنجی گەشتیاران و دیمەنێکی جوانتری بە پردەکە داوە.
باسی لەوەش کردووە کە گوژمەی پڕۆژەکە لەسەر ئیدارەی سەربەخۆی زاخۆ و بەشێوەی راستەوخۆ کارەکە لەلایەن گەشتوگوزاری زاخۆ جێبەجێکراوە، ئەمەش لەکاتێکدایە وەزارەتی شارەوانی و گەشتوگوزار بە گوێرەی پلانێکی نوێ، بایەخی زیاتر بە سێکتەری گەشتوگوزار دەدات.
