خامۆشی باڵی به‌سه‌ر "به‌هه‌شتی سه‌ر رووی زه‌وی"دا كێشاوه‌

به‌دلیس – AA

له‌ میانی قه‌ده‌غه‌كردنی هاتوچۆ به‌مه‌به‌ستی بەرگرتن له‌ زیاتر ته‌شه‌نه‌سه‌ندی ڤایرۆسی كۆرۆنای نوێ خامۆشییه‌كی كه‌موێنه‌ باڵی به‌سه‌ر نه‌مرود'دا كێشاوه‌ كه‌ له‌سه‌ر ئاستی جیهان دووه‌مین و له‌سه‌ر ئاستی توركیاش گه‌وره‌ترین ده‌ریاچه‌ی ده‌مه‌وانه‌یی'یه‌.

ئه‌م ده‌ریاچه‌یه‌ دوو هه‌زار و ٢٥٠ مه‌تر له‌ ئاستی ده‌ریاوه‌ به‌رزه‌ و له‌ میانی پڕۆژه‌ی ئاراسته‌ ده‌ستبه‌ژێره‌كانی ئه‌ورووپاوه‌ "خه‌ڵاتی دانسقه‌یی" پێبه‌خشراوه‌ و به‌ "به‌هه‌شتی سه‌ر رووی زه‌وی" ناسراوه‌، جگه‌ له‌ دیمه‌نه‌ دڵڕفێنی سروشتییه‌كه‌ی به‌ گۆماوه‌ سه‌هۆڵی و گه‌رمه‌كانی، ئه‌شكه‌وتی سه‌هۆڵبه‌ند، هه‌ڵمكێش، جۆره‌كانی باڵنده‌ و فره‌یی زینده‌یی چوار وه‌رزی ساڵ گه‌شتیارانی ناوخۆیی و بیانی بۆ لای خۆی راده‌كێشێت.

ئه‌م ده‌ریاچه‌ كه‌ یه‌كێكه‌ له‌ ناوچه‌ هه‌ره‌ گرنگه‌كانی به‌دلیس بۆ گه‌شتیاری، دوای كۆتایی هاتن به‌ قه‌ده‌غه‌ی هاتوچۆ، بۆ جارێكی دیكه‌ باوه‌ش بۆ گه‌شتیاران ده‌كاته‌وه‌.