عێراق

کازمی: "عێراق بە گەل و حکوومەتەوە بەگەرمی پیشوازی لە پاپا فرەنسیس دەکات"

سەرۆکوەزیرانی عێراق، مستەفا کازمی رایگەیاند، عێراق بە گەل و حکوومەتەوە بە گەرمی پێشوازی لە پاپای ڤاتیکان، پاپا فرەنسیس دەکات.

Sarmand Hameed   | 05.03.2021
کازمی: "عێراق بە گەل و حکوومەتەوە بەگەرمی پیشوازی لە پاپا فرەنسیس دەکات"

Arbil

هەولێر - AA

سەرۆکوەزیرانی عێراق، مستەفا کازمی رایگەیاند، عێراق بە گەل و حکوومەتەوە بە گەرمی پێشوازی لە پاپای ڤاتیکان، پاپا فرەنسیس دەکات.

مستەفا کازمی لە ھەژماری تایبەتی خۆی لە تۆڕی کۆمەلایەتی تویتەر لەبارەی سەردانەکەی پاپا فرەنسیس پەیامێکی بەھەر سێ زمانی ئینگلیزی، عەرەبی و کوردی بڵاوکردەوە.

مستەفا کازمی نووسیوویەتی "عێراق بە گەل و حکوومەتەوە بە گەرمی پێشوازی لە پاپای ڤاتیکان، پاپا فرەنسیس دەکات".

سەرۆکوەزیرانی عێراق راشیگەیاندووە "خاکی مێزۆپۆتامیا لەدێر زەمانەوە تا ئێستا و بۆ ھەمیشە، وێستگەیەکی مێژویی دیداری ئایین و ھزر و بەھا مرۆییە ھاوبەشەکانە".

مستەفا کازمی رووی پەیامەکەی ئاراستەی پاپا فرەنسیس کردووە و نووسیوویەتی 'قەداسەتیان بەخێربێن بۆ نیشتمانی سۆمەر و بابل و ئاشوور.. لانکەی پێغەمبەران و پیاوچاکان".

بڕیارە رۆژی ھەینی، پاپای ڤاتیکان، پاپا فرەنسیس بە سەردانێکی سێ رۆژە سەردانی عێراق و ھەرێمی کوردستان بکات و لە میانیدا سەردانی ھەریەک لە پارێزگاکانی بەغدا، نەجەف، زیقار، ھەولێر و نەینەوا بکات.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın