عێراق, کۆڤید- ١٩

ڤاکسینی ڤایزەر گەیشتە کەرکووک

- هه‌زار و ١٧٠ دۆز ڤاکسینی ڤایزەر گەیشتە کۆگای نەخۆشخانەی گشتیی کەرکووک.

Ozhin Jolla   | 12.04.2021
ڤاکسینی ڤایزەر گەیشتە کەرکووک

At Ta mim
کەرکووک – AA

پشکی پارێزگای کەرکووک لە ڤاکسینی ڤایزەر گەیشتە کۆگای نەخۆشخانەی گشتیی کەرکووک و لە رۆژانی داھاتووەوە دەست بەدابەشکردنی دەکرێت.

دوێنی یەکشەممە، لەڕێگەی فرۆکەخانەی نێودەوڵەتیی بەغداوە ٤٩ ھەزار دۆز ڤاکسینی جۆری ڤایزەری گەیشتە عێراق و دواتر بەپێی خشتەیەک بەسەر سەرجەم پارێزگاکانی عێراق و ھەرێمی کوردستاندا دابەشکرا.

بەرێوبەری نەخوشخانەی گشتی کەرکووک، محەمەد فەرەیدون بە ئاژانسی ئانادۆڵوی راگەیاند: "ئەمە سێیەم قۆناغی ڤاکسینی چارەسەری کۆرۆنایە دەگاتە پارێزگای کەرکووک، قۆناغی یەکەم دوو ھەزار و ١٠٠ دۆز ڤاکسینی چینی بوو کە دیاری حکومەتی چین بوو بۆ عێراق و دواتر ڤاکسینی کۆمپانیای ئەسترازێنێکا بوو، ئەوەی ئێستایش ھەزار و ١٧٠ دۆز ڤاکسینی جۆری فایزەرە".

محەمەد فەریدون گوتیشی: "ناردنی ڤاکسین بۆ کەرکووک بەردەوام دەبێت و ھەفتانە وەزارەتی تەندروستیی بڕێک ڤاکسین دەنێرن و ئێمەیش بەپێی میکانیزمەکانی وەزارەت دابەشی دەکەین".

بەرێوبەری نەخۆشخانەی گشتی کەرکووک راشیگەیاند، لەڕێگەی سۆشیاڵ میدیاوە لاپەڕەی تایبەتیان بۆ ھاووڵاتییان تەرخانکردووە تاوەکو ناوی خۆیان بۆ وەرگرتنی ڤاکسینی کۆرۆنا تۆماربکەن.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın