ڕێژەی بەشداری لە هەڵبژاردنە گشتییەکەی عێراق سەدا ٥٦ بوو

کۆمسیۆنی باڵای سەربەخۆی هەڵبژاردنەکانی عێراق، ڕێژەی بەشداری لە هەڵبژاردنە گشتییەکان بە سەدا ٥٦ ڕاگەیاند. لە هەڵبژاردنەکاندا حەوت هەزار و ٧٤٤ کاندید کێبڕکیان کرد بۆ چوونە ناو ئەنجوومەنی نوێنەرانی عێراق کە ٣٢٩ کورسی هەیە

بەپێی داتاکانی کۆمسیۆنی باڵای سەربەخۆی هەڵبژاردنەکانی عێراق، هاوپەیمانی ئاوەدانکردنەوە و گەشەپێدان بە سەرۆکایەتی سەرۆکوەزیرانی ئێستای عێراق، محەمەد شیاع سوودانی بە بەدەستهێنانی زیاتر لە یەک ملیۆن و ٣١٧ هەزار دەنگ، پلەی یەکەمی بەدەستهێناوە. پارتی دیموکراتی کوردستان (پ.د.ک) بە سەرۆکایەتی مەسعود بارزانی، بە بەدەستهێنانی یەک ملیۆن و ٩٩ هەزار و ٨٢٦ دەنگ، پلەی دووهەمی بەدەستهێنا
تورکمانەکان چوار کورسیان بەدەستهێنا.

تورکمانەکان توانیان لە لیستی بەرەی تورکمانی عێراقی دوو کورسی لە کەرکووک بەدەستبهێنن، کە یەکێکیان پیاو و ئەوی دیکەیان ژنە. هەروەها لە مووسڵ ژنێکی تورکمان کە لە هاوپەیمانییەکی دیکە بوو سەرکەوتنی بەدەستهێنا. لە مێژووی سیاسیی عێراقدا ئەوە یەکەمجارە تورکمانەکان نوێنەرێکی ژن لە بەغدا بەدەستبهێنن