عێراق

پەیامێک لە سەرۆکی حکوومەتی ھەرێمی کوردستانەوە

لە پەیامەکەی مەسرور بارزانی هاتووە: "وێڕای ھاوخەمیی و سەرەخۆشی کردن لە بنەماڵە و کەسوکاری خوالێخۆشبوو دارا رەئوف کە بەداخەوە لە شاری بەغدا بە شێوەیەکی دڕندانە خۆی و ھاوسەری و کچێکی شەھیدکران، ئەم تاوانە بە تووندترین شێوە ئیدانە دەکەم".

Sarmand Hameed   | 16.09.2020
پەیامێک لە سەرۆکی حکوومەتی ھەرێمی کوردستانەوە

Arbil


هەولێر - AA

سەرۆکی حکوومەتی ھەرێمی کوردستان، مەسرور بارزانی لە پەیامێکدا وێڕای هاوخەمی بۆ بنەماڵە و کەسوکاری سێ ئەندامی خێزانێک کە لە بەغدا کوژران، هاوکات دەستخۆشی لە دەزگا ئەمنییەکانی شاری هەولێر دەکات کە توانییان بە زووترین کات، تاوانباری سەرەکی رووداوەکە دەستگیر بکەن.

لە پەیامەکەی مەسرور بارزانی هاتووە: "وێڕای ھاوخەمیی و سەرەخۆشی کردن لە بنەماڵە و کەسوکاری خوالێخۆشبوو دارا رەئوف کە بەداخەوە لە شاری بەغدا بە شێوەیەکی دڕندانە خۆی و ھاوسەری و کچێکی شەھیدکران، ئەم تاوانە بە تووندترین شێوە ئیدانە دەکەم".

لە بەشێکی دیکەی پەیامەکەی سەرۆکی حکوومەتی هەرێمی کوردستان دەستخۆشی لە دەزگا ئەمنییەکانی شاری ھەولێر کردووە کە توانییان بە زووترین کات، تاوانباری سەرەکی دەستگیر بکەن و تیایدا هاتووە، "لە ھەمانکاتدا دەستخۆشی لە دەزگا ئەمنییەکانی شاری ھەولێر دەکەم کە توانییان بە زووترین کات، تاوانباری سەرەکی دەستگیر بکەن. دەستی ماندووی یەک بە یەکیان دەگوشم و پێیان دەڵێم ئیوە جێی شانازی ئێمەن".

ئێوارەی دوێنێ سێشەممە، سێ ئەندامی خێزانێکی کورد لە ماڵەکەی خۆیاندا لە ناوچەی مەنسور لە شاری بەغدا کوژران.

ئێوارەی ئەمڕۆ چوارشەممە، دژە تیرۆری کوردستان دەستگیرکردنی ئەنجامدەری ئەو تاوانەی راگەیاند.



ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın