عێراق

نێچیرڤان بارزانی: "توندوتیژی به‌رامبه‌ربه‌ ژنان ره‌ت ده‌كه‌ينه‌وه و دژى ده‌وه‌ستينه‌وه‌"

- سەرۆکی ھەرێمی کوردستان، نێچیرڤان بارزانی: "وه‌ک هه‌ميشه‌ پابه‌ندين به‌ پشتيوانيكردن و پاراستنى مافه‌كانى ئافره‌تان".

Sarmand Hameed   | 25.11.2021
نێچیرڤان بارزانی: "توندوتیژی به‌رامبه‌ربه‌ ژنان ره‌ت ده‌كه‌ينه‌وه و دژى ده‌وه‌ستينه‌وه‌"

Arbil

هەولێر - AA

سەرۆکی ھەرێمی کوردستان، نێچیرڤان بارزانی دژایەتی خۆی بۆ هەر جۆره‌ توندوتيژى و گێچه‌ڵ و پێشێلكارييه‌ک لە دژی ئافرەتان نیشان دا و رایگەیاند "وەک هه‌ميشه‌ پابه‌ندين به‌ پشتيوانيكردن و پاراستنى مافه‌كانى ئافره‌تان".

نێچیرڤان بارزانی بەبۆنەی رۆژی جیھانیی نەھێشتنی توندوتیژی دژی ئافرەتان، لە هەژماری تایبەتی خۆی لە تۆڕی کۆمەڵایەتیی تویتەر پەیامێکی بڵاوکردەوە.

سەرۆکی ھەرێمی کوردستان نووسیوویەتی "له‌ رۆژی جیهانیی نەهێشتنی توندوتیژی دژی ئافرەتاندا، هه‌موو جۆره‌ توندوتيژى و گێچه‌ڵ و پێشێلكارييه‌ک له‌ هه‌ر كات و شوێن و له‌ هه‌ر ئاستێكدا بێت به‌رامبه‌ر به‌ ژنان ره‌تده‌كه‌ينه‌وه و دژى ده‌وه‌ستينه‌وه‌".

نێچیرڤان بارزانی راشیگەیاندووە "وه‌ک هه‌ميشه‌ پابه‌ندين به‌ پشتيوانيكردن و پاراستنى مافه‌كانى ئافره‌تان".

ساڵانە لە رۆژی جیهانیی نەهێشتنی توندوتیژی دژی ئافرەتاندا لە هەرێمی کوردستان، هەڵمەتی نیشتمانیی ١٦ رۆژە رادەگەیەندرێت و لە میانیدا ئه‌نجوومه‌نی باڵای گه‌شه‌پێدانی خانمان له‌ هه‌رێمی كوردستان چەندین چالاکیی جۆراوجۆر بەو بۆنەیەوە ئەنجام دەدات.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın