ھەولێر ــ AA

لە ئاکامی بۆردومانی ھێزەکانی ئێران بۆ بارەگای پارتی دیموکراتی کوردستانی ئێران لە کۆیە، دوو کەس کوژراون و پێنجی دیکەیش برینداربوون.

ئەمڕۆ چوارشەممە ھێزەکانی ئێران، بارەگای پارتی دیموکراتی کوردستانی ئێران-یان لە کۆیە بۆردومان کرد.

تەندروستیی کۆیە رایگەیاندووە کە بەپێی ئامارە بەراییەکان لە ئاکامی بۆردومانەکەدا، دوو کوژراو و پێنج بریندار گەیەندراونەتە نەخۆشخانەی کۆیە.

ئەمڕۆ ھێزەکانی ئێران، بارەگای ژمارەیەک لە پارتە ئۆپۆزسیۆنە چەکدارەکانی ئێران-یان لە ناوچەکانی سیدەکان، زڕگوێز، کۆیە و شارۆچکەی پردێ سەربە پارێزگای کەرکووک بۆردمان کرد.

بەپێی زانیارییەکان، ھێزەکانی ئێران لە رێگای ئارستەکردنی ژمارەیەک درۆنی بۆمبڕێژکراوەوە، بارەگاکانی پارتە ئۆپۆزسیۆنە چەکدارەکانی ئێران-یان لەو ناوچانە بۆردومان کردووە.