كەركووك.. دۆزینەوەی گۆڕێكی بەكۆمەڵ

هەولێر ــ AA

راگەیەندرا كە هێزە ئەمنییەكانی عێراق، گۆڕێكی بەكۆمەڵیان لە سنووری پارێزگای كەركووك باكووری عێراق كە رووفاتی 45 كەس لەخۆدەگرێت، دۆزیووەتەوە.

سەرچاوەیەكی ئەمنی بە میدیاكانی خۆجێی رایگەیاندووە كە هێزە ئەمنییەكان، هەڵمەتێكی گەڕان و پشكنییان لە سنووری گوندی داود علوكە سەربە ناحیەی ریاز باشووری رۆژئاوای پارێزگای كەركووك ئەنجامداوە.

ئاشكرایشیكردووە كە لە میانی هەڵمەتەكەدا، گۆڕێكی بەكۆمەڵ لە ناوچەكەدا دۆزراوەتەوە.

سەرچاوەکە ئاماژەی بەوەیشداوە، ئەو گۆرە بەكۆمەڵەی كە لە ناوچەكەدا دۆزراوەتەوە، رووفاتی 45 كەس لەخۆدەگرێت كە پێشتر لەلایەن تیرۆریستانی داعشەوە كوژراون.