عێراق

زانكۆى كۆيە ديدارێكى زانستى لەسەر جێندەر ئەنجامدا

Ekip   | 02.03.2021
زانكۆى كۆيە ديدارێكى زانستى لەسەر جێندەر ئەنجامدا

Ankara

کۆیە - AA

سەنتەری مەلای گەورە بۆ تۆژینەوە لە زانکۆی کۆیە، سێیەمین دیداری زانستیی بە ناونیشانی "رۆڵی راگەیاندن لە پێکھێنانی ناسنامەی جێندەری" ئەنجامدا.

دیدارەکە بە ھاوبەشی لەگەڵ دامەزراوەی بەیتولحیکمەی بەغدا و بەشداریی توێژەران لە سەنتەری بێشکچی بۆ توێژینەوەی مرۆڤایەتی و سەنتەری جینۆساید بۆ توێژینەوە لە زانکۆی دھۆک، سەنتەری بیر بۆ گفتووگۆ و چاکسازی لە بەغدا، سەنتەری یەکسانی جێندەری لە زانکۆی سلێمانی، بنکەی رۆشنبیری گەلاوێژ لە سلێمانی، سەنتەری لێکۆڵینەوەی زانستی و مرۆڤایەتی لە کۆلێژی پەروەردەى ئاکرێ به‌ڕێوه‌چوو.

توێژه‌ران توێژینه‌وه‌كانیان لەسەر رۆڵ و کاریگەری راگەیاندن لە سەر ناسنامەی جێندەری و تیشک خستنە سەر کێشەکانی یەکسانی جێندەربوو.

راگری کۆلیژی زانستە مرۆڤایەتییەکان لە زانکۆی سلێمانی و سەرۆکی بنکەی رۆشنبیری گەلاوێژ دكتۆر ئیبتیسام ئیسماعیل قادر، کە توێژینەوەکەی لەسەر بوونی ژنان لە دامودەزگاکانی راگەیاندن بوو، تیشکی خستە سەر ئامارەکانی دەسەڵاتی ژنان لە دامودەزگاکانی راگەیاندندا.

ئیبتیسام ئیسماعیل قادر رایگه‌یاند: "بە درێژایی مێژووی رۆژنامەگەری کوردی ژنێک نەبووەتە خاوەن بڕیار لە دامودەزگاكانی راگه‌یاندن له‌ ھەرێمی کوردستان و ئەگەر ھەبووبێتیش ژماره‌ی پەنجەی دەست تێناپەڕێنێت".

توێژه‌ینه‌وه‌كانی دیکەی دیدارەکە لە بارەی توندوتیژی ته‌له‌ڤیزیۆنیی لە دژی ژنان، رۆڵی ئامرازەکانی راگەیاندن لە چارەسەرکردنی کێشەی کۆمەڵایەتی و رۆڵی راگەیاندن لە چەسپاندنی جێندەری بوو.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın