عێراق
دەستگیرکردنی تیرۆریستێکی خۆکوژی لە کەرکووک راگەیەنرا
فەرماندەی پۆلیسی کەرکووک، لیوا کاوە غەریب عەبدولڕەحمان رایگەیاند، تیرۆریستێک کە بەنیازبوو کردەی خۆکوژی لە شاری کەرکووک ئەنجام بدات، لەلایەن ھێزە ئەمنییەکانەوە دەستگیرکراوە.
Zana Natık Kerem |
25.07.2023 - نوێکردنەوە : 25.07.2023
Arbil
ھەولێر – AA
فەرماندەی پۆلیسی کەرکووک، لیوا کاوە غەریب عەبدولڕەحمان دەستگیرکردنی تیرۆریستێکی لە شاری کەرکووک راگەیاند کە بەنیازبووە کردەی خۆکوژی لە شارەکە ئەنجام بدات.
بەپێی راگەیەندراوێکی فەرماندەیی پۆلیسی کەرکووک، لیوا کاوە غەریب عەبدولڕەحمان رایگەیاندووە کە ھێزە ئەمنییەکان لە گەراجی بەغدا لە شاری کەرکووک، تیرۆریستێکیان دەستگیر کردووە کە بڕێک تەقەمەنیی پێ بووە.
فەرماندەی پۆلیسی کەرکووک ئاماژەی بەوەیشداوە کە تیرۆریستەکە، بەرلەوەی دەستگیر بکرێت بەنیاز بوو، کردەیەکی خۆکوژی لە شاری کەرکووک ئەنجام بدات.
باسی لەوەیش کردووە، ئەو تەقەمەنییانەی کە لەگەڵ دەستگیرکردنی تیرۆریستەکەدا دەستیان بەسەرداگیراوە، لەلایەن ھێزە ئەمنییەکانەوە پووچەڵ کراونەتەوە.
