عێراق

بەهۆکارى راوکردنى باڵندە چوار راوچى لە پێنجوێن دەستگیرکران

Rewa Mahmood Hasan   | 17.02.2020
بەهۆکارى راوکردنى باڵندە چوار راوچى لە پێنجوێن دەستگیرکران

As Sulaymaniyah

پێنجوێن - AA

لە سنوورى قەزای پێنجوێن سەربە پارێزگای سلێمانی، چوار راوچى دەستگیرکران و رووبەڕوى یاسا کرانەوە.

لە راگەیەندراوێکی بەڕێوەبەرایەتى پۆلیسى دارستان و ژینگەى پارێزگاى سلێمانى-دا ئاماژە بەوە کراوە کە مەفرەزەیەکى بنکەى پۆلیسى دارستان و ژینگەى ناحیەی گەرمک بەهاوبەشی لەگەڵ بارەگاى بەش لە دەرچوونێکى مەیدانیاندا توانیویانە چوار هاووڵاتى لەسەر راوکردنى باڵندەى کێوى دەستگیربکەن.

لە راگەیەندراوەکەدا ئاماژەى بەوەکراوە لەو دەرچوونە مەیدانیەدا هاوکات توانراوە دەست بەسەر دوو کەروێشک، ١٣ باڵندەى کێوی لە جۆری کەو، چوار چەکى جۆرى تاپڕ، ٢٢ فیشەکى تاپڕ، دوو چەقۆ، یەک ئۆتۆمبێل و دوو لایتى دەستیدا بگیرێت.

پەڕاوى لێکۆڵینەوە بۆ دەستگیرکراوەکان کراوەتەوە و رووبەڕى یاسا کراونەتەوە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın