هونەر و كلتوور
گۆرانیبێژی بەریتانی جۆرج مایكڵ كۆچی دوایی كرد
گۆرانیبێژ و میوزیکژەن و نووسەری گۆرانی بەریتانی، جۆرج مایکڵ لەتەمەنی ٥٣ ساڵیدا ماڵئاوایی لە ژیان کرد.
Mohammed Baqi Hussein |
26.12.2016
لەندەن
گۆرانیبێژ و میوزیکژەن و نووسەری گۆرانی بەریتانی، جۆرج مایکڵ لە ماڵەکەی خۆیدا لە شارۆچکەی گۆرینگی ناوچەی ئۆکسفۆردشایر باشووری رۆژھەڵاتی ئەو وڵاتە، ماڵئاوایی لە ژیان کرد.
پۆلیسی ناوچەی تەیمز ڤاڵی روونکردنەوەی لەبارەی ھۆکاری گیان لەدەستدانی ھونەرمەندەکەوە نەداوە و تەنھا رایگەیاندووە کە دۆخێکی گومانلێکراو لەئارادا نییە.
راگەیەنرا کاتژمێر ١:٤٢ی پاش نیوەڕۆی دوێنێ بەکاتی ناوخۆی بەریتانیا ئۆتۆمبێلی فریاکەوتن گەیشتووەتە ماڵەکەی جۆرج مایکڵ.
جۆرج مایکڵ کە ناوی راستەقینەکەی جۆرجیەس کایریاکۆس پانایۆتو-ە، ساڵی ١٩٦٣ لە باکووری لەندەنی پایتەختی بەریتانیا لەدایکبووە.
ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
