Arbil
هەولێر - AA
سەرۆكی پێشووی هەرێمی کوردستان، مەسعود بارزانی پێشوازی لە راوێژكاری ئاسایشی نیشتمانیی عێراق، قاسم ئەعرەجی كرد.
بەپێی راگەیەنراوێکی نووسینگەی راگەیاندنی بارەگای بارزانی، لە دیدارەكەدا بارودۆخی سیاسی و دوا پێشهاتەكانی ناو پڕۆسەی سیاسیی عێراق تاوتوێ كراون، هەروەها رۆشنایی خراوەتە سەر پەیوەندییەكانی نێوان هەرێم و بەغدا و هەردوولا هەماهەنگیی بەردەوامی نێوان هەرێم و بەغدایان بە پێویست زانیوە بۆ چارەسەركردنی كێشەكانی نێوان هەردوولا.
لە بەشێكی دیکەی ئەو دانیشتنەدا جەخت لەسەر خواستی هەرێم و بەغدا كراوەتەوە بۆ بەردەوامبوونی هەماهەنگیی نێوانیان لە شەڕی دژبە تیرۆریستانی داعش.
