سياسەت

لۆگۆی نوێی سه‌رۆكایه‌تی هه‌رێمی كوردستان بڵاوكرایه‌وه‌

- سه‌رۆكایه‌تی هه‌رێمی كوردستان لۆگۆ نوێیەکەی بڵاودەکاتەوە و ده‌سته‌واژه‌ی "سه‌رۆكایه‌تی هه‌رێمی كوردستان" به‌ زمانی ئینگلیزی ده‌خاته‌ پاڵ زمانه‌كانی كوردی و عه‌ره‌بی.

Hemn Baban   | 10.06.2019
لۆگۆی نوێی سه‌رۆكایه‌تی هه‌رێمی كوردستان بڵاوكرایه‌وه‌

Arbil

هه‌ولێر - AA

سه‌رۆكایه‌تی هه‌رێمی كوردستان له‌گه‌ڵ سوێندخواردنی سه‌رۆكی نوێی هه‌رێمی كوردستان، نێچیرڤان بارزانی لۆگۆیه‌كی نوێی بڵاوكردووه‌ته‌وه‌ كه‌ ده‌سته‌واژه‌ی سه‌رۆكایه‌تی هه‌رێمی كوردستانی به‌ زمانی ئینگلیزی خراوه‌ته‌ سه‌ر له‌پاڵ زمانی كوردی و عه‌ره‌بی كه‌ پێشتر به‌ته‌نها ئه‌و ده‌سته‌واژه‌یه‌ به‌و دوو زمانه‌ هه‌بوون.

لۆگۆ نوێیه‌كه‌ هه‌مان لۆگۆ كۆنه‌كه‌یه‌ واته‌ داڵێك باڵه‌كانی كراوه‌ته‌وه‌ له‌نێو ئاڵای كوردستان كه‌ ره‌نگه‌كانی سوور، سپی، سه‌وزه‌ و خۆرێكی 21 تیشكی لەنێودایه‌ و له‌ خواره‌وه‌ی داڵه‌كه‌ش ساڵی 2005 نووسراوه‌ كه‌ ساڵی دامه‌زراندنی سه‌رۆكایه‌تی هه‌رێمی كوردستانه‌.

ئه‌مڕۆ نێچیرڤان بارزانی له‌ هۆڵی سه‌عد عه‌بدوڵڵا سوێندی یاسایی خوارد و به‌و پێیه‌ش بوو به‌ دووه‌م سه‌رۆكی هه‌رێم له‌ دوای مه‌سعود بارزانی كه‌ ساڵی 2017 هه‌ڵپه‌ساردنی سه‌رۆكایه‌تییه‌كه‌ی راگه‌یاند.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın