جيهان

١٧هەمین ساڵیادی کۆچی دوایی عیزەتبەگۆڤیچ

لە ١٧هەمین ساڵیادی کۆچی دوایی عالیا عیزەتبەگۆڤیچ-دا، لەسەر گۆڕەکەی نزا کرا.

Bedrudin Brljavac,Lejla Biogradlija   | 19.10.2020
 ١٧هەمین ساڵیادی کۆچی دوایی عیزەتبەگۆڤیچ

Bosnia and Herzegovina

ساراییڤۆ - AA

لە ١٧هەمین ساڵیادی کۆچی دوایی یەکەم سەرکۆماری بۆسنە و هەرسکی سەربەخۆ، عالیا عیزەتبەگۆڤیچ-دا، لەسەر گۆڕەکەی لە ساراییڤۆ-ی پایتەخت نزا کرا.

بە هۆی پەتای ڤایرۆسی کۆرۆنای نوێوە، رێوڕەسمی یادكردنه‌وه‌كه‌ بەشێوەیەکی سنووردار بەڕێوەچوو.

١٧هەمین ساڵیادی کۆچی دوایی عیزەتبەگۆڤیچ

لە ١٧هەمین ساڵیادی کۆچی دوایی عالیا عیزەتبەگۆڤیچ-دا، لەسەر گۆڕەکەی نزا کرا.

سەرۆکی ئه‌نجوومه‌نی سەرۆکایەتی دەوڵەتی بۆسنە و هەرسک، سەفیک دزافیرۆڤیج، لەو ساڵیادەدا پەیامێکی بڵاوکردەوە و، تیایدا جەختی لەسەر ئەوە کردەوە کە عالیا لە پاڵ ئەوەی پیاوێکی سەرکەوتووی دەوڵەت بوو، هاوکات نووسەرێک و بیرمەندێکی باش بوو.

دزافیرۆڤیج دووپاتی کردەوە کە عالیا کەسێکی بیرمەند بووە و، رایگەیاند: ''پەیوەست بوو بە بەها مۆدێرنەکانی جیهانی دیموکراسی، ئازادی، زانست و پەروەردەوە. هیچ کات بۆسنە و ناسنامەی موسوڵمانی پشتگوێ نەدەخست''.

هه‌روه‌ها باسی لەوە کرد کە کتێب و بۆچوونەکانی عالیا ئەمڕۆ لە خۆرهەڵات و خۆرئاوا دەخوێنرێن، لەبەرئەوە ئەو سەرکردە بۆسنەییە هیچ کات لەبیر ناکرێت.

هەر لە یادی کۆچی دوایی عالیا عیزەتبەگۆڤیچ-دا ئێوارەی ئەمڕۆ لە مۆزەخانەیەک کە ناوی خۆی لێنراوە نمایشی وێنە و بەرنامەی یادەوەری رێکدەخرێت.

عالیا عیزەتبەگۆڤیچ، لە هەشتی ئابی ١٩٢٥دا، لە شاری بۆسانسکی ساماک لە دایکبووە و لە ١٩ی تشرینی یەکەمی ٢٠٠٣دا لە ساراییڤۆ کۆچی دوایی کرد.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın