جيهان

پزیشكێك گێچه‌ڵی سێكسی به‌ لانیكه‌م ١٧٧ خوێندكار کردووە

- له‌ زانكۆی ئۆهایۆ له‌ ئه‌مریكا، له‌نێوان ساڵانی ١٩٧٠ تا ١٩٩٠ه‌كان، پزیشكی هه‌ڵبژارده‌ وه‌رزشییه‌كانی زانكۆكه‌ گێچه‌ڵی سێكسی به‌ لانیكه‌م ١٧٧ خوێندكاری كوڕ كردووه‌.

Emre Aytekin,Muhammet Ali Kemal   | 18.05.2019
پزیشكێك گێچه‌ڵی سێكسی به‌ لانیكه‌م ١٧٧ خوێندكار کردووە

Ankara

كۆڵۆمبه‌س- AA

له‌ زانكۆی ئۆهایۆ له‌ ئه‌مریكا، له‌نێوان ساڵانی ١٩٧٠ تا ١٩٩٠ه‌كان، پزیشكی هه‌ڵبژارده‌ وه‌رزشییه‌كانی زانكۆكه‌ گێچه‌ڵی سێكسی به‌ لانیكه‌م ١٧٧ خوێندكاری كوڕ كردووه‌.

له‌ راپۆرتی لێكۆڵینه‌وه‌دا كه‌ له‌لایه‌ن زانكۆكه‌وه‌ بڵاوكراوه‌ته‌وه‌، ئاماژه‌ به‌وه‌كراوه‌ پزیشكی وه‌رزشیی، ریچارد ستراوس كه‌ بۆ ماوه‌ی ٢٠ ساڵ له‌ زانكۆی ئۆهایۆ تا ساڵانی ١٩٩٠ و به‌ر له‌ خانه‌نشین بوونی كاریكردووه‌، گێچه‌ڵی سێكسی به‌ لانیكه‌م ١٧٧ كوڕه‌ خوێندكاری ١٦ تیمی وه‌رزشیی جیاوازی زانكۆكه‌ كردووه‌.

سه‌رۆكی زانكۆی ئۆهایۆ، مایكڵ دره‌یك ئاشكرایكردووه‌ ئیداره‌ی زانكۆكه‌ له‌ رووی دامه‌زراوه‌ییه‌وه‌ لاواز بوون له‌به‌رامبه‌ر ده‌نگۆكانی دژی ریچارد ستراوس و نه‌یانتوانیوه‌ هه‌نگاوی پێویست بۆ لێكۆڵینه‌وه‌ له‌باره‌ی گێچه‌ڵه‌ سێكسییه‌كان بهاوێژن.

ستراوس ساڵی ٢٠٠٥ له‌ ته‌مه‌نی ٦٧ ساڵیدا خۆی كوشتووه‌ و له‌ ساڵی ١٩٩٥دا له‌ زانكۆكه‌ خانه‌نشین بووه‌.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın