ئیستانبوڵ - AA

لە ئاکامی هێرشی سەربازیی و هەروەها گەمارۆکانی ئیسرائیل بۆ سەر کەرتی غەززە کە برسێتی لێکەوتووەتەوە، لە میانی ٢٤ کاتژمێری ڕابردوودا ١١ فەڵەستینی دیکە گیانیان لەدەستدا.

بەڕێوەبەری گشتی لە وەزارەتی تەندروستی فەڵەستین لە غەززە، مونیر بەریش لەبارەی ژمارەی قوربانیان بە هۆی برسێتییەوە زانیاری بڵاوی کردەوە.

بە پێی ئەو زانیارییانەی کە بەریش بڵاوی کردووەتەوە، بە هۆی برسێتییەوە، لە میانی ٢٤ کاتژمێری ڕابردوودا ١١ فەڵەستینی گیانیان لەدەستداوە.

بەو پێیە، ژمارەی ئەو کەسانەی کە بە هۆی برسێتییەوە لە غەززە، لە ٧ی تشرینی یەکەمی ٢٠٢٣وە گیانیان لەدەستداوە، گەیشتە ٢٥١ کەس کە ١٠٨یان منداڵن.