نەتەوە یەکگرتووەکان داوای کرد کە ھێرشەکانی ئیسرائیل و ئێران بۆ سەر یەكتر بوەستێندرێن
کۆمیسیاری باڵای مافەکانی مرۆڤی سەربە نەتەوە یەکگرتووەکان، ڤۆڵکەر تورک داوای کرد کە بەپەلە دانوستان بۆ کۆتاییھێنان بە ھێرشەکانی ئیسرائیل و ئێران بۆ سەر یەکتر ئەنجام بدرێت.
Geneve
جنێڤ ــ AA
کۆمیسیاری باڵای مافەکانی مرۆڤی سەربە نەتەوە یەکگرتووەکان، ڤۆڵکەر تورک داوای کرد کە بەپەلە دانوستان بۆ کۆتاییھێنان بە ھێرشەکانی ئیسرائیل و ئێران بۆ سەر یەکتر ئەنجام بدرێت.
ڕۆژی ھەینی ڕابردوو ئیسرائیل بە ئاراستەکردنی مووشەک و فڕۆکەی بێفڕۆکەوان ھێرشی کردە سەر ئێران و لە وەڵامی ئەوەدا، ئێرانیش بە ئاراستەکردنی مووشەک ھێرشی کردە سەر ئیسرائیل.
ڤۆڵکەر تورک لە گوتەیەکدا لە نووسینگەی نەتەوە یەکگرتووەکان لە جنێڤ ئاماژەی بەوەدا کە زیادبوونی ململانێیەکانی نێوان ئێران و ئیسرائیل، جێگەی نیگەرانییە.
گوتیشی: "دەنگم دەخەمە پاڵ دەنگی ئەو کەسانەی کە داوا دەکەن گرژییەکان کەم بکرێتەوە و دانوستانی بەپەلە بۆ کۆتاییھێنان بە ھێرشەکانی ئێران و ئیسرائیل بۆ سەر یەکتر ئەنجام بدرێت، ھەروەھا چارەسەرێک بۆ دۆخی ئێستا بدۆزرێتەوە".
ھەروەھا کۆمیسیاری باڵای مافەکانی مرۆڤی سەربە نەتەوە یەکگرتووەکان، ڤۆڵکەر تورک داوای لە ئیسرائیل و ئێران کرد کە ڕێز لە یاسای نێودەوڵەتیی بگرن بەتایبەتیش ئەوەی کە پەیوەندیدارە بە پاراستنی گیانی خەڵکی مەدەنی.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
