جيهان

نمایشی سەربازیی هێزە چەكدارەكانی ئێران

- سەركۆماری ئێران، حەسەن روحانی: "بۆ چەندین سەدە گەلانی ناوچەكە پێكەوە ژیاون و كێشەیان نەبووە. وەك برا ژیاون و پابەندی مافی دراوسێیەتی بوون. ئەگەر ئەمڕۆ كێشەیەك هەیە، هۆكارەكەی داگیركاریی ئەمریكا و ئیسرائیلە".

Muhammet Kurşun,Mohammed Baqi Hussein   | 18.04.2019
نمایشی سەربازیی هێزە چەكدارەكانی ئێران

Tahran

تاران - AA

بەبۆنەی رۆژی نەتەوەیی سوپاوە، هێزە چەكدارەكانی ئێران لەسەرتاسەری ئەو وڵاتەدا نمایشی سەربازییان ئەنجامدا.

بەبۆنەی 18ی نیسان رۆژی نەتەوەیی سوپاوە، بەئامادەبوونی سەركۆماری ئێران، حەسەن روحانی و بەرپرسانی باڵای سەربازیی ئەو وڵاتە، لەبەردەم مەزاری سەركردەی شۆڕشی 1979ی ئێران خومەینی لە تارانی پایتەخت، رێوڕەسمێكی سەربازی بەڕێوەچوو.

حەسەن روحانی لێرەدا وتارێكی پێشكەشكرد و ئاماژەی بەوەدا، ئەمریكا و ئیسرائیل هەڕەشەن بۆ سەر سەقامگیریی ناوچەكە و گوتی: "چەندین سەدە گەلانی ناوچەكە پێكەوە ژیاون و كێشەیان نەبووە. وەك برا ژیاون و پابەندی مافی دراوسێیەتی بوون. ئەگەر ئەمڕۆ كێشەیەك هەیە، هۆكارەكەی داگیركاریی ئەمریكا و ئیسرائیلە".

ئەو رایگەیاند كە ئەمریكا دژی بەهێزبوونی وڵاتانی ناوچەكەیە و گوتی: "ئەمریكا ئەو هێزانەی خۆشناوێت كە خۆیان رادەستی ناكەن و سەر بۆ شكۆی دانانەوێنن. وەرن با پێكەوە ناوچەكەمان لە داگیركاران پاكبكەینەوە".

لە پاڵ تارانی پایتەخت لە شارەكانی دیكەی ئێران و ناوچەی كەنداویش رێوڕەسمی سەربازی بەرێوەچوو.

هەشتی نیسان سەرۆكی ئەمریكا، دۆناڵد ترەمپ ناوی سوپای پاسدارانی ئێرانی خستە لیستی رێكخراوە تیرۆریستییەكانەوە و لەبەرامبەریشدا ئەنجوومەنی باڵای ئاسایشی نەتەوەیی ئێران ناوی فەرماندەیی هێزەكانی ناوەندی ئەمریكا (CENTCOM)ی خستە لیستی رێكخراوە تیرۆریستییەكانەوە.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın