ھەولێر ــ AA

سەرۆکوەزیرانی ھەرێمی کوردستان-عێراق، مەسرور بارزانی و نوێنەری باڵای فەڕەنسا لە ھاوپەیمانیی نێودەوڵەتیی دژبە داعش، فرانسوا تریکۆ دۆخی ئەمنیی عێراق و ڕووبەڕووبوونەوەی مەترسییەکانی تیرۆر و ھەڕەشەکانی داعشیان لە عێراق و سووریا تاوتوێ کرد.

ماڵپەڕی حکوومەتی ھەرێم بڵاوی کردەوە کە مەسرور بارزانی پێشوازی کردووە لە نوێنەری باڵای فەڕەنسا لە ھاوپەیمانیی نێودەوڵەتیی دژبە داعش، فرانسوا تریکۆ.

ڕاشیگەیاندووە کە لە کۆبوونەوەکەدا، پەرەپێدان بە پەیوەندییەکانی فەڕەنسا و ھەرێمی کوردستان و دۆخی ئەمنیی عێراق و ڕووبەڕووبوونەوەی مەترسییەکانی تیرۆر و ھەڕەشەکانی داعش لە عێراق و سووریا تاوتوێ کراون.

باسی لەوەش کردووە کە لە کۆبوونەوەکەدا، ھەردوولا ھاوڕا بوون لەسەر گرنگیی بەردەوامبوونی پشتیوانیکردنی ھێزەکانی پێشمەرگە و ھەماھەنگی نێوان ھاوپەیمانیی نێودەوڵەتی و ھەرێمی کوردستان بۆ ڕووبەڕووبوونەوەی تیرۆر و پاراستنی ئاسایش و ئارامیی ناوچەکە.