جيهان, کۆڤید- ١٩

كریستیانۆ رۆناڵدۆ تووشی كۆرۆنا بوو

یەکێتی تۆپی پێی پۆرتوگال ئاشكرایكرد ئه‌نجامی پشكنینی ئه‌ستێره‌ی وڵاته‌كه‌، كریستیانۆ رۆناڵدۆ بۆ ڤایرۆسی كۆرۆنای نوێ (COVID-19)، پۆزه‌تیڤ بووه‌.

Mutlu Demirtaştan   | 13.10.2020
كریستیانۆ رۆناڵدۆ تووشی كۆرۆنا بوو

Istanbul

ئیستانبوڵ- AA

یەکێتی تۆپی پێی پۆرتوگال ئاشكرایكرد ئه‌نجامی پشكنینی ئه‌ستێره‌ی وڵاته‌كه‌، كریستیانۆ رۆناڵدۆ بۆ ڤایرۆسی كۆرۆنای نوێ (COVID-19)، پۆزه‌تیڤ بووه‌.

له‌ راگه‌یه‌نراوێكدا كه‌ له‌لایه‌ن یەکێتییە‌كه‌وه‌ بڵاوكراوه‌ته‌وه‌، ئاماژه‌ به‌وه‌كراوه‌، كریستیانۆ رۆناڵدۆ، كه‌ به‌مه‌به‌ستی یارییكردن له‌ ریزه‌كانی هه‌ڵبژارده‌ی نیشتمانیی پۆرتوگال له‌ میانی یارییه‌كانی خولی نه‌ته‌وه‌كان، له‌ كه‌مپێكی هه‌ڵبژارده‌كه‌یه‌، ئه‌نجامی پشكنینی بۆ ڤایرۆسی كۆرۆنای نوێ، پۆزه‌تیڤ بووه‌.

ئاماژه‌ به‌وه‌شكراوه‌ دۆخی رۆناڵدۆ باشه‌، نیشانه‌ی په‌تاكه‌ی نییه‌ و ماوه‌ی خۆدابڕینی ده‌ستیپێكردووه‌.

جه‌خت له‌وه‌شكراوه‌، ئه‌و یاریزانه‌ پۆرتوگالییه‌ كه‌ هاوكات یاریزانی یانه‌ی یوڤێنتوسی ئیتاڵییه‌، كه‌مپی هه‌ڵبژارده‌ی پۆرتوگالی جێهێشتووه‌ و له‌ یاریی هه‌ڵبژارده‌ی وڵاته‌كه‌ی به‌رامبه‌ر هه‌ڵبژارده‌ی سوید یاریی ناكات.

له‌دوای تووشبوونی رۆناڵدۆ به‌ كۆرۆنا، پشكنین بۆ یاریزانانی دیكه‌ی هه‌ڵبژارده‌كه‌ ئه‌نجامدراوه‌ و سه‌رجه‌م ئه‌نجامه‌كان نێگه‌تیڤ بوون.

هه‌ڵبژارده‌ی پۆرتوگال كه‌ له‌ گرووپی سێی خولی نه‌ته‌وه‌كاندا یاریی ده‌كات، سبه‌ینێ میوانداریی هەڵبژاردەی سوید ده‌كات.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın