جيهان

فەڕەنسا ژمارەیەک رێکخراوی کۆمەڵگای مەدەنیی موسڵمانان دادەخات

وەزیری ناوخۆی فەڕەنسا، جیراڵد دارمانین رایگەیاند کە ژمارەیەکی زۆر رێکخراوی کۆمەڵگای مەدەنیی موسڵمانان لە وڵاتدا دادەخەن.

Yusuf Özcan   | 20.10.2020
فەڕەنسا ژمارەیەک رێکخراوی کۆمەڵگای مەدەنیی موسڵمانان دادەخات

Ile-de-France

پاریس - AA

وەزیری ناوخۆی فەڕەنسا، جیراڵد دارمانین رایگەیاند کە ژمارەیەکی زۆر رێکخراوی کۆمەڵگای مەدەنیی موسڵمانان لە وڵاتدا دادەخەن.

جیراڵد دارمانین لە لێدوانێکیدا بۆ رادیۆی Europe1، باسی لەوە کرد کە دوای دۆزینەوەی تەرمی مامۆستایەک بە سەربڕدراوی لە ناوچەی کۆنفلانس سانت-هۆنۆرینل، ٥١ دەستە و رێکخراوی کۆمەڵگای مەدەنیی موسڵمانان لەلایەن دەوڵەتەوە دەخرێتە ژێر چاودێرییەوە.

وەزیری ناوخۆی فەڕەنسا ئەوەشی خستەڕوو کە ژمارەیەک لەو دەستە و رێکخراوانە بە رەزامەندی ئەنجوومەنی وەزیران، دادەخرێن.

هەفتەی رابردوو لە پاریس هەڵکوترایە سەر رێکخراوی بەرەکەسیتی (BarakaCity)، هەروەها ماڵی دامەزرێنەری رێکخراوەکە.

لە میانی چەند هەفتەی رابردوودا، هەڵکوتانە سەر رێکخراوەکانی کۆمەڵگای مەدەنیی موسڵمانان لە فەڕەنسا رووی لە بەرزبوونەوە کردووە.

وەزیری ناوخۆی فەڕەنسا، جیراڵد دارمانین لە ١٣ی تشرینی یەکەمدا، باسی لەوە کردبوو کە لە چوارچێوەی ''بەرەنگاربوونەوەی ئیسلامی توندڕەو'' مانگی رابردوو ١٢ مزگەوت، خوێندنگەی تایبەت، رێکخراو و شوێنکاریان داخستووە و لە سەرەتای ساڵیشەوە تا ئێستا ئەو ژمارەیە گەیشتووەتە ٧٣.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın