جيهان, کۆڤید- ١٩

شاندێکی رێکخراوی تەندروستیی جیهانی بۆ لێکۆڵینەوە لە ریشەی کۆرۆنا گەیشتە شاری وهان

- توێژەران لە ماوەی ١٤ رۆژی کەرەنتینەدا بەشێوەی ئۆنڵاین لەگەڵ بەرپرسانی چینی دا کۆبوونەوە دەکەن و، دەست بە کارەکان دەکەن.

Emre Aytekin   | 14.01.2021
شاندێکی رێکخراوی تەندروستیی جیهانی بۆ لێکۆڵینەوە لە ریشەی کۆرۆنا گەیشتە شاری وهان

Ankara

ئەنقەرە - AA

شاندی لێکۆڵەری رێکخراوی تەندروستیی جیهانی کە لێکۆڵینەوە دەکات لە ریشەی ڤایرۆسی کۆرۆنای نوێ، گەیشتە شاری وهانی چین کە یەکەمجار ڤایرۆسەکە تیایدا سەریهەڵدا.

ئەو فڕۆکەیەی شاندەکەی هەڵگرتبوو کە پێکهاتووە لە شارەزا و لێکۆڵەرانی ئەمریکا، ئوستراڵیا، ئەڵمانیا، ژاپۆن، بەریتانیا، رووسیا، هۆڵەندا، قەتەر و ڤێتنام، کاتەکانی بەیانی گەیشتە فڕۆکەخانە.

لە کاتی گەیشتنی ئەندامانی شاندەکە، لە دوای پشکنینی ڤایرۆسی کۆرۆنای نوێ کەرەنتینە کران.

توێژەران لە ماوەی ١٤ رۆژی کەرەنتینەدا بەشێوەی ئۆنڵاین لەگەڵ بەرپرسانی چینیدا کۆبوونەوە دەکەن و، دەست بە کارەکان دەکەن.

زانیاری نەخراوەتەڕوو لەبارەی ئەوەی کە، ئایا چوارچێوەی کاری شاندەکە چی دەبێت و بەڵگە کۆدەکەنەوە یان نا.

شاندەکەی رێکخراوی تەندروستیی جیهانی، هەفتەی رابردوو سەردانی چین-ی کرد، بەڵام دوای ئەوەی حکوومەتی پەکین هۆشداری ئەوەی پێدان کە ڤیزەی شیاویان وەرنەگرتووە، ناچار بوون بگەڕێنەوە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın