سەرۆکی ئەمریکا دۆناڵد ترەمپ: "دژ بە ئێران دەستمان بە ئۆپەراسیۆنێکی گەورە کرد"
Ankara
ئەنقەرە - AA
سەرۆکی ئەمریکا دۆناڵد ترەمپ لەبارەی هێرشی ئەمریکا-ئیسرائیل بۆ سەر ئێران ڕایگەیاند، "دژ بە ئێران دەستمان بە ئۆپەراسیۆنێکی گەورە کرد".
دۆناڵد ترەمپ لەبارەی هێرشە سەربازییەکەیان بۆ سەر ئێران دیمەنەکانی هێرشەکەی لە تۆڕی کۆمەڵایەتی بڵاو کردەوە.
سەرۆکی ئەمریکا وێڕای ئاماژەدان بەوەیکە دەستیان بە هێرشێکی بەرفراوان بۆ ئێران کردووە، ڕایگەیاند: "ئامانجمان بەرگریی لە گەلی ئەمریکایە بە لەناوبردنی هەڕەشەی ڕژێمی ئێران، ئەو کەسانەی کە بێ بەزەییانە و پێداگرانە و مەترسیدارانە دەست دەبەن بۆ ئەو چالاکیانەی کە ڕاستەوخۆ هێزەکانی ئەمریکا لە بنکەکان لە دەرەوەی وڵات و وڵاتانی هاوپەیمانمان لە سەرانسەری جیهان دەکەنە ئامانج".
ترەمپ داوای لە سوپای پاسداران و هێزە ئەمنییەکان و پۆلیسی ئێران کرد کە چەکەکانیان دابنێن بۆ ئەوەی پارێزراو بن و بە پێچەوانەوە ڕووبەڕووی مەرگ دەبنەوە.
