مەسکەنە - AA

سوپای سووریا دوای دەستبەسەرداگرتنی دێرحافر لە ڕۆژهەڵاتی ڕووباری فورات، ناوچەی مەسکەنە'شی لەدەست یەپەگە/سەدەگە کۆنتڕۆڵ و سەنگەرەکانی خۆی لە باشووری ڕۆژهەڵاتی ڕەقە تووندوتۆڵ کردەوە.

بە پێی زانیارییەکانی ئاژانسی ئانادۆڵو لە مەسکەنە، سوپای سووریا دوای کۆنتڕۆڵکردنی هەریەکە لە ناوچەکانی دێرحافر و مەسکەنە، بە درێژایی ڕووباری فورات، کۆنتڕۆڵی باشووری ڕەقەی کردووە.

پەیامنێری ئاژانسی ئانادۆڵو، فڕۆکە جەنگییەکانی ئەمریکاشی بینیوە کە بەسەر ئاسمانی ناوچەکەدا سووراونەتەوە.

سوپای سووریا کۆنتڕۆڵکردنی ٣٤ گوندی لە ڕۆژهەڵاتی حەلەب ڕاگەیاند و هاوکات زیاتر لە ٢٠٠ چەکداری ڕێکخراوی تیرۆریستی یەپەگە/سەدەگە بە شێوەیەکی پارێزراو، ڕێگەیان بۆ کرایەوە بە چەکەوە ناوچەکە جێ بهێڵن.

بەرەبەیانی ئەمڕۆ سوپای سووریا بە مەبەستی کۆنتڕۆڵکردنی دێرحافر چووە ناو گوندی حومەیمە و دواتر ناوچەکەی بە تەواوی کۆنتڕۆڵ کرد.

فەرهاد عەبدی شاهین، یەکێک لە سەرکردەکانی ڕێکخراوی تیرۆریستی یەپەگە/سەدەگە ڕایگەیاندبوو کە لە کاتژمێر ٠٧:٠٠ی بەیانییەوە بەرەو ناوچەکانی ڕۆژهەڵاتی ڕووباری فورات دەکشێنەوە.