جيهان

راگه‌یه‌ندراوی كۆشكی سپی سه‌باره‌ت به‌ په‌یوه‌ندی ته‌له‌فۆنی ئه‌ردۆغان و تره‌مپ

- سه‌باره‌ت به‌ په‌یوه‌ندی ته‌له‌فۆنی نێوان سه‌ركۆماری توركیا، ئه‌ردۆغان و سه‌رۆكی ئه‌مریكا، تره‌مپ كۆشكی سپی رایگه‌یاند ''تره‌مپ سوپاسی ئه‌ردۆغان-ی كردووه‌ بۆ ئه‌و هه‌وڵانه‌ی کە توركیا ده‌یدات بۆ به‌رگرتن له‌ كاره‌ساتێكی مرۆیی''.

Dildar Baykan   | 17.02.2020
راگه‌یه‌ندراوی كۆشكی سپی سه‌باره‌ت به‌ په‌یوه‌ندی ته‌له‌فۆنی ئه‌ردۆغان و تره‌مپ

Washington DC

واشنتۆن - AA

سه‌باره‌ت به‌ په‌یوه‌ندی ته‌له‌فۆنی نێوان سه‌ركۆماری توركیا، ره‌جه‌ب ته‌یب ئه‌ردۆغان و سه‌رۆكی ئه‌مریكا، دۆناڵد تره‌مپ كۆشكی سپی رایگه‌یاند ''تره‌مپ سوپاسی ئه‌ردۆغان-ی كردووه‌ بۆ ئه‌و هه‌وڵانه‌ی کە توركیا ده‌یدات بۆ به‌رگرتن له‌ كاره‌ساتێكی مرۆیی''.

گوته‌بێژی كۆشكی سپی، جود دیری راگه‌یه‌ندراوێكی سه‌باره‌ت به‌و په‌یوه‌ندییه‌ ته‌له‌فۆنییه‌ ئه‌نجامدا كه‌ شه‌ممه‌ سه‌ركۆماری توركیا، رەجەب تەیب ئه‌ردۆغان و سه‌رۆكی ئه‌مریكا، دۆناڵد تره‌مپ ئه‌نجامیاندا.

له‌ راگه‌یه‌ندراوه‌كه‌دا هاتووه‌ ''سه‌رۆك تره‌مپ نیگه‌رانیی خسته‌ڕوو سه‌باره‌ت به‌ توندوتیژی له‌ پارێزگای ئیدلب له‌ سووریا و سوپاسی ئه‌ردۆغان-ی كرد بۆ هه‌وڵه‌كانی توركیا له‌باره‌ی به‌رگرتن له‌ كاره‌ساتێكی مرۆیی''.

هه‌روه‌ها له‌ راگه‌یه‌ندراوه‌كه‌دا باس له‌وه‌ كراوه‌ كه‌ دۆناڵد تره‌مپ خواستی خۆی خستووه‌ته‌ڕوو سه‌باره‌ت به‌ كۆتایی هاتنی پشتیوانیی رووسیا بۆ رژێمه‌كه‌ی ئه‌سه‌د و دۆزینه‌وه‌ی چاره‌سه‌ری سیاسیی بۆ جه‌نگی ناوخۆی سووریا و هاتووه‌ ''تره‌مپ دووپاتیكرده‌وه‌ ده‌ستوه‌ردانی هێزه‌ ده‌ره‌كییه‌كان له‌ لیبیا ره‌وشه‌كه‌ خراپتر ده‌كات''.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.