جيهان

تەقینەوەیەك لە ئەفغانستان 112 قوربانی لێكەوتەوە

لە ئاكامی تەقینەوەی ئۆتۆمبێلێكی بۆمبڕێژكراو لە ناوەڕاستی ئەفغانستان، 12 مەدەنی كوژراون و 100 كەسی دیكەیش برینداربوون.

Mennatallah H. H. M. Said A.,Zana Natık Kerem   | 18.10.2020
تەقینەوەیەك لە ئەفغانستان 112 قوربانی لێكەوتەوە

Kabil

كابول ــ AA

لە ئاكامی تەقینەوەی ئۆتۆمبێلێكی بۆمبڕێژكراو لە شاری فەیروزكوە ناوەندی ویلایەتی غۆر ناوەڕاستی ئەفغانستان، 12 مەدەنی كوژراون و 100 كەسی دیكەیش برینداربوون.

بەپێی رایگەیەندراوێكی وەزارەتی ناوخۆی ئەفغانستان كە كەناڵی "تلوع نیوز" بڵاوی كردووەتەوە، ئۆتۆمبێلێكی بۆمبڕێژكراو لە نزیك بنكەیەکی پۆلیس لە شاری فەیروزكوە تەقیوەتەوە.

لە راگەیەندراوەكەدا ئاماژە بەوەدراوە كە لە ئاكامی تەقینەوەكەدا، 12 كەس كوژراون و 100 كەسی دیكەیش برینداربوون.

تا ئێستا هیچ لایەنێك بەرپرسیاریەتی خۆی لە ئەنجامدانی تەقینەوەكە رانەگەیاندووە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın