سياسەت, جيهان

توركیا: "كۆبوونه‌وه‌كان له‌گه‌ڵ میسردا له‌ كه‌شێكی دۆستانه‌دا به‌ڕێوه‌چوون"

Nazlı Yüzbaşıoğlu   | 06.05.2021
توركیا: "كۆبوونه‌وه‌كان له‌گه‌ڵ میسردا له‌ كه‌شێكی دۆستانه‌دا به‌ڕێوه‌چوون"

Ankara

ئه‌نقه‌ره‌- AA

كۆبوونه‌وه‌ به‌دواداچوونئامێزه‌كان له‌نێوان شانده‌كانی توركیا و میسردا له‌ قاهیره‌، له‌ كه‌شوهه‌وایه‌كی ئه‌رێنی و به‌ نێوه‌ڕۆكی گشتگیره‌وه‌، به‌ڕێوه‌چوون و هه‌ردوو وڵات ئاشكرایانكرد هه‌ڵسه‌نگاندن بۆ ئه‌نجامه‌كانی ئه‌م گه‌ڕه‌ی راوێژه‌كان ده‌كه‌ن و بڕیار له‌ هه‌نگاوه‌كانی داهاتووتر ده‌ده‌ن.

له‌ راگه‌یه‌ندراوێكدا كه‌ له‌لایه‌ن وه‌زاره‌تی ده‌ره‌وه‌ی توركیاوه‌ بڵاوكراوه‌ته‌وه‌، ئاماژه‌ به‌وه‌كراوه‌ راوێژه‌كانی نێوان توركیا و میسر كه‌ كۆبوونه‌وه‌ی به‌دواداچوونئامێز بوون و له‌نێوان شانده‌كانی هه‌ردوو وڵات به‌ سه‌رۆكایه‌تی هه‌ریه‌ك له‌ جێگری وه‌زیری ده‌ره‌وه‌ی توركیا، باڵیۆز سه‌دات ئۆناڵ و جێگری وه‌زیری ده‌ره‌وه‌ی میسر، حه‌مدی سه‌نه‌د لۆزا به‌ڕێوه‌چوون، ئه‌مڕۆ كۆتاییان هات.

له‌ راگه‌یه‌ندراوه‌كه‌دا هاتووه‌: "كۆبوونه‌وه‌كان له‌ كه‌شێكی دۆستانه‌ و به‌ نێوه‌ڕۆكی گشتگیره‌وه‌ به‌ڕێوه‌چوون. له‌ كۆبوونه‌وه‌كاندا پرسه‌ دووقۆڵییه‌كان و هاوكات پرسه‌ ناوچه‌ییه‌كان له‌سه‌روویانه‌وه‌ دۆخی هه‌ریه‌ك له‌ لیبیا، سووریا و عێراق تاوتوێكران، هه‌روه‌ها جه‌خت له‌ پێویستیی ده‌سته‌به‌ركردنی ئاسایش و ئاشتی له‌ خۆرهه‌ڵاتی ده‌ریای ناوه‌ڕاست كرایه‌وه‌.

لایه‌نه‌كان هه‌ڵسه‌نگاندن بۆ ئه‌نجامه‌كانی ئه‌م گه‌ڕه‌ی دانوستانه‌كان ده‌كه‌ن و بڕیار له‌باره‌ی هه‌نگاوی داهاتوو ده‌ده‌ن".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın