ترەمپ داواى لە فه‌رمانڕه‌وای ويلايەتەكان كرد رێگە بە كردنەوەى پەرستگاكان بدەن
سەرۆكى ئەمريكا دۆناڵد ترەمپ، داواى لە فه‌رمانڕه‌وات سەرجەم ويلايەتەكان كرد مۆڵەت بەكردنەوەى مزگەوت و پەرستگاكان بدەن كە لە چوارچێوەى رێكارەكانى رێگرتن لە ڤايرۆسى كۆرۆناى نوێ داخرابوون، بە پێچەوانەوە ئەو دەسەلاتى خۆى بەكاردەهێنێت.
Washington DC
واشنتۆن - AA
سەرۆكى ئەمريكا دۆناڵد ترەمپ، داواى لە فه‌رمانڕه‌وات سەرجەم ويلايەتەكان كرد مۆڵەت بەكردنەوەى مزگەوت و پەرستگاكان بدەن كە لە چوارچێوەى رێكارەكانى رێگرتن لە ڤايرۆسى كۆرۆناى نوێ داخرابوون، بە پێچەوانەوە ئەو دەسەلاتى خۆى بەكاردەهێنێت.
دۆناڵد ترەمپ لە لێدوانێكدا بۆ رۆژنامەوانان لە كۆشكى سپى گوتى: "لە چوارچێوەى رێنماييەكانم، ناوەندى كۆنترۆڵكردن و رێگرتن لە نەخۆشى رێبەرێك سەبارەت بە كۆمەڵگە ئايينييەكان بڵاودەكاتەوە".
ترەمپ ئەوەى وەبيرهێنايەوه، ژماره‌یه‌ك فه‌رمانڕه‌وا، چەند شوێنێكی وەكو كلينيكى لەباربردنی منداڵیان خستووەتە ليستى شوێنە سەرەكييەكان و رایگه‌یاند: "من ئەمڕۆ كڵێساكان، مزگەوت و پەرستگاكان، وەك شوێنى سەرەكى خزمەتكردن دياريدەكەم. داوا لە فه‌رمانڕه‌واكان دەكەم بە زووترين كات رێگە بە كردنەوەى پەرستگاكان بدەن".
جەختى لەوەشكردەوە كە پەرستگاكان كۆمەڵگە پێكەوە كۆدەكاتەوە و گوتى: "پێشنوێژەكان، قه‌شه‌كان و حاخامه‌كان دڵنيا دەبن لەوەى كۆبوونه‌وه‌كانیان پارێزراوه".
سەرۆكى ئەمريكا ئاشكرایكرد تا كۆتايى ئەم هەفتەيە مۆڵەتى بە فه‌رمانڕه‌واكان داوه، بە پێچەوانەوە دەسەڵاتى خۆى بەكاردەهێنێت، و رایگه‌یاند: "ئەمريكا پێويستى بە نزاى زياتر هەيە نه‌ك كه‌متر".
