ئیڵۆن ماسک بانگەشەی ئەوەی کرد کە حکوومەتی ئەمریکا دەسەڵاتی تەواوی گەیشتن بە نامەکانی بەکارهێنەرانی تویتەر هەیە

ئەنقەرە - AA

بەڕێوەبەری جێبەجێکاری تویتەر، ئیڵۆن ماسک بانگەشەی ئەوەی کرد کە حکوومەتی ئەمریکا مافی بە تەواوەتی گەیشتن بە نامە راستەوخۆکانی بەکارهێنەرانی تویتەر هەیە و گوتی کاتێک ئەوەی زانیوە زۆر توڕە بووە.

بەپێی هەواڵێکی رۆژنامەی The Hill، ماسک لە دیدارێکیدا لەگەڵ تەکەر کارلسۆن لە کەناڵی فۆکس نیوز ئاماژەی بەوە کردووە کە کاتێک زانیویەتی کە حکوومەتی ئەمریکا دەسەڵاتی نامە راستەوخۆکانی بەکارهێنانی پلاتفۆرمەکەی هەیە "تووشی سەرسوڕمان بووە".

ئیڵۆن ماسک، بە کارلسۆن-ی گوتووە: "ئاستی توانای دامەزراوەکانی حکوومەت بۆ گەیشتنی تەواوەتی بە سەرجەم ئەوەی لە تویتەردا دەگوزەرێ تووشی سەرسوڕمانی کردم و ئاگاداری ئەمە نەبووم".

ماسک، جگە لەوە باسی لە مەترسییەکانی سەبارەت بە شەپۆلی زیرەکیی دەستکرد کرد و ئاماژەی بەوە کرد کە لەو بڕوایەدایە کە تەکنەلۆژیا توانای لەناوبردنی شارستانییەتی هەیە.

بەڕێوەبەری جێبەجێکاری تویتەر، گوتی: "زیرەکیی دەستکرد، مەترسیدارترە لە ئەگەری دیزاینکردنی فڕۆکە یان هەڵەی چاککردنەوەی. لە رووی ئەوەش کە خاوەنی ئەم توانایە بێت ئەوە خاوەنی لەناوبردنی شارستانییەتە".